Украинада махсус операция вакытында хезмәт бурычын үтәгәндә сержант Соколовский Андрей Андреевич батырларча һәлак булган

(Тәтеш, 5 июнь, “Тәтеш таңнары”). Украинада махсус операция вакытында хезмәт бурычын үтәгәндә якташыбыз, махсус билгеләнештәге төркемнең өлкән разведчигы, сержант Соколовский Андрей Андреевич батырларча һәлак булган.

Ул 1993 елның 1 сентябрендә Казахстанда, Тогузак авылында туган. Дүрт яшендә гаиләсе белән Тәтешкә күченеп кайткан. Тәтеш шәһәренең 2нче урта мәктәбендә, аннары Тәтеш авыл хуҗалыгы техникумында укыган. Андрей Соколовскийның ике улы бар: олысына -алты, кечесенә - бер яшь.
Махсус билгеләнештәге төркемнең өлкән разведчигы, сержант Андрей Соколовский белән хушлашу мәрасиме иртәгә, 2022 елның 6 июнендә, сәгать 10да, Тәтештә, Дан мемориалы янында булачак.