Уку – инә белән кое казу

(Тәтеш, 24 июль, "Тәтеш таңнары", Галина Таҗетдинова, фото Ягудиннар гаилә архивыннан).  Гәҗитебезнең узган атнадагы санында без БДИда югары балл алган чыгарылышлар белән сораштыру үткәрдек.

Бу юлы Тәтеш татар урта мәктәбеннән Ләйлә Ягудина уңышка ирешү серләрен уртаклашты: “Сүзнең көче бөек, әмма ул бары тик әлеге сүздән мог­җизалар булдыра алган кешегә генә бирелә. Осталык серләрен танып белүгә мин бик озак килдем. Миңа моңа ирешүдә укытучым Ирина Николаевна Нагуськина белән рус теле буенча мәктәп укучыларының респуб­лика олимпиадасына әзерләнүем ярдәм итте. Без лингвистика үсешенең авыр юлын акрынлап үзләштерә бардык, аны катлаулы итеп әйтүдә һәм табышмакларда танып белдек. Нәтиҗәсе – 2019 елда рус теле буенча мәктәп укучыларының респуб­лика олимпиадасының йомгаклау этабында призлы урын. Миңа әлеге белемнәрнең, әлбәттә инде, рус теле буенча БДИ биремнәрен эшләгән вакытта да кирәге чыкты, анда 94 балл алдым”.