Укучы гәҗит турында: Әлфия Заһретдинова, Баймәт

(Тәтеш, 11 декабрь, "Тәтеш таңнары).  Әлфия Заһретдинова, Баймәт: 
“Тәтеш таңнары” гәҗитен бик күптәннән алдырам. Аны зур шатлыгым бар кебек көтеп торам. Үзем гомер буе Баймәт авылында яшәдем, үзебезнең авылда клуб мөдире дә, сөт җыючы да булдым, җирлектәге авыл хуҗалыгында тегермәндә, фермада, колхоздагы төрле эшләрдә хезмәт куйдым. Хәзер инде, шөкер, җитешлектә лаеклы ял итәбез. Үзебезнең район яңалыклары, андагы матур үзгәрешләр белән кызыксынып яшим, район гәҗитендәге һәр язманы бик яратып укыйм. Менә бәлки әле бүләк тә отармын дигән өмет белән 2020 ел өчен язылып куйган квитанция күчермәсен керттем. Эшегездә уңышлар ­юлдаш булсын”.