Тәтеш таңнары

Тәтеш районы

Рус Тат
Җәмгыять

Укучы сүзе

- Утыз дүрт яшемдә мин зур сынаулар кичердем. Тормы­шым хастаханәләргә һәм йокы бүлмәсенә күчте.

Кино механигы, музыкант, педагог белгечлекләрендә эшләрлек хәлдә түгел идем, әмма шулай да яшисем, җәмгыять­кә кирәкле буласым килде. Умартачылык курс­ларын тәмамладым һәм умарталар үрчеттем. Аларның шифалы балы һәм дару үләннәре белән дәвалана башладым.

Менә инде 40 ел умартачылык­тан шатлык-юаныч табам. Дәваланып булмый торган күп кенә авырулар белән 80 яшемә атладым һәм актив тормыш белән яшәвемне дәвам итәм! Ә болар барысы да һәрдаим яраткан мавыгуларым белән шөгыльләнү, музыка уен коралларында уйнау, умартачылык, кош-кортлар асрау ярдәмендә. Әле тагын кәрҗиннәр һәм читәннәр үрәм. Яшелчә бакчасында эшлим, табигать муллыклары җыяр өчен урман-болыннарга чыгам. Боларның барысы өчен дә вакыт кына түгел, шулай ук көч тә кирәк.

Әлеге мәшәкатьле тормыш рух күтәренкелеге өсти. Үз-үземне карарга тырышам: иртән һәм кичен башыма, кулларыма, аякларыма массаж ясыйм. Әлеге гадәтләр, соңгы нәтиҗәдә, минем имин сәламәтлегемне алып килә".

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев