Ункөнлек тәмамланды, подписка дәвам итә

Районның почта хезмәткәрләре мәгъ­лүматлары буенча, аның барышында район гәҗитен 1770 кеше яздырган һәм бүгенге көндә агымдагы елның II ярты еллыгына подписка 2379 данә тәшкил итә (планның 55 проценты). Хат ташучыларның эше күрсәткәнчә, ул Льяш, Монастырский, Удельное Нечасово, Чинчурино, Олы Шәмәк, Олы Тархан элемтә бүлекләрендә аеруча да уңышлы узды. Тәтештә район гәҗитен меңнән күбрәк кеше яздырды. Хезмәттәшлек өчен рәхмәт!

Без укучыларыбызга шуңа да ярдәм итәбез, чөнки "почта, беренче чиратта, почта хезмәтләре күрсәтергә тиеш, гәҗит укымыйча райондагы кызыклы вакыйгаларны, админист­рациядән һәм район службаларыннан алынган мөһим хәбәрләрне белеп булмый". Тиешле планны үтәүдә элеккечә түбәндәге почта бүлекләре алда бара: Алекина Поляна (план үтәлгән), Льяш, Киртәле, Удельное Нечасово.

"Тәтешлеләргә район гәҗитен таратканда, йортларга шатлык алып киләм", - дигән сүзләр белән сөендерде Матбугат көнендә учас­тогы­бызның хат ташучысы Татьяна Петухова. Безнең өчен иң яхшы бүләк - ул үзләренең акчалары белән гәҗитебезгә тавыш бирүче укучыларыбыз булу. Ә безгә кимендә 4300 тавыш кирәк. Ташламалы подписка тәмамланды, хәзер безнең гәҗитне, элеккечә, 648 сумга яздырырга һәм ярты ел райондагы вакыйгаларны белеп торырга мөмкин. Подписка кампаниясе төгәлләнергә нибары бер ай калып бара! Ә сез подписканы озайтырга онытмадыгызмы?