"Маяк" ҖЧҖ
Биредә бөртеклеләр мәйданы 1100 гектар били, сишәмбедә көзге культуралар 420 гектарда җыеп алынган, уңыш гектардан 21 центнер тәшкил итә.
Бу атнада нәкъ кызу урак өстендә хуҗалык лизинг буенча "Палессе" комбайны алган. Аңарда механизатор Алексей Ахтонов ярдәмчесе Владимир Ахтонов белән 3 тонна бөртек суктырырга өлгергәннәр инде.
"Узган уракта "Дон-1500"дә эшләдем, - ди Алексей. - 1600 тонна суктырдым, һәм быел аны эшкә җентекләп әзерләдем, әлегә сынатмады".
Владимир Тәтеш авыл хуҗалыгы техникумын тәмамлаган, хәзер Казан аграр университетында укый. Аның сайлаган һөнәре дә турыдан-туры авыл хуҗалыгына бәйле, җаны-тәне белән дә ул - крестьян. "Улымның минем эшемне дәвам иттерүен телим, - ди хуҗалык җитәкчесе, өлкән Алексей Ахтонов. - Җирдә эшләсәң, югалмыйсың. Киләсе елда лизингка тагын бер комбайн алырга хыялланам, уракта һәр минут кадерле бит, өстәвенә ялланган техника кыйммәткә дә төшә".
Комбайннар артыннан ук Альберт Гатауллин пресс-җыйгыч белән саламны төргәкләп килә, көнгә - 185-200 данә.
Көзге культуралар өчен, ул 400 гектар биләячәк, туфракны да вакытында әзерләп өлгерергә кирәк, бу эш белән тәҗрибәле механизатор Николай Трофимов шөгыльләнә.
Бер үк вакытта, республика программасы нигезендә, 200 башка исәпләнгән мөгезле эре терлек фермасын үзгәртеп кору бара.
Нет комментариев