Тетюшские зори
  • Рус Тат
  • Ватанны яратып

    Тәтешнең сугыш һәм хезмәт ветераннары хоры якташлары алдында чыгыш ясый.

    Хөрмәтле ветераннарыбыз Монас­тырскийда концерт күрсәттеләр, авыл хуҗалыгы техникумы студентлары каршында, “Миләшкәй” балалар бакчасында чыгыш ясадылар, Җиңү көне алдыннан аларны Тәтештәге 2нче мәктәптә көтеп алдылар.

    “Россиялеләр быел ил тарихындагы әһәмиятле даталар  – Совет Армия­се һәм Хәрби-диңгез флотына 100 ел, Бөек Ватан сугышында Җиңүнең 73 еллыгын билгеләп үтәләр, – диде хор җитәкчесе Маргарита Адайкина. – Безнең ветераннар хоры шулай ук үзенә бер төрле юбилей – анда катнашучыларның беренчеләрдән булып сәхнәгә чыгуларының 35 еллыгын бәйрәм итәләр”.

    Иҗат коллективы башкаруындагы барлык әсәрләр Ватанга мәхәббәт, патриотлык, чиксез тугрылык һәм бөек илебез өчен горурлык белән тулыланган.

    “Мәктәп укучылары һәр номерны көчле алкышларга күмделәр,  “Туган көнең белән, Җиңү!” җырын залдагылар аягүрә басып хупладылар.

    “Сезнең хезмәтегез белән Җиңүне якынайтуыгызны хәзерге буын күрү һәм белү бик мөһим, сез тыныч күк йөзенең кыйммәтен башкаларга караганда күбрәк беләсез, – дип мөрәҗәгать итте ветераннарга концерт программасы азагында директорның тәрбия эшләре буенча урынбасары Галина Кондакова. – Сезгә батырлык өчен рәхмәт, безгә яңа очрашулар белән килүегезне һәм сөендерүегезне телибез!”
     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: