Видеокамера ярдәм иткән

(Тәтеш, 15 сентябрь, Тәтеш таңнары).
 Россия Эчке эшләр министрлыгының Тәтеш районы бүлеге мәгълүматлары буенча, Тәтеш шәһәрендә яшәүче хатын-кыз 30 августта шәһәр банкларының берсендә аның исеменә ярты миллион сумлык кредит рәсмиләштергән ят кешене җинаять җаваплылыгына җәлеп итүне сорап полициягә мөрәҗәгать иткән.  

Акча гариза бирүченең банк картасына күчерелгән һәм аннары аңа билгеле булмаган ысул белән алынган. Гомуми зыян 502 мең 963 сум тәшкил иткән. 

Полициянең дежур частенә 4 сентябрь көнне 46 яшьлек тәтешле таныш түгел кешенең сентябрьнең беренче көнендә аның төзелеп килүче гаражына керүен һәм 25 метрлы су сиптерү шлангын, диодлы прожектор, токка тоташтыру җайланмасын, пычкысын урлавын әйткән һәм аны җаваплылыкка тарту үтенече белән мөрәҗәгать иткән. Килгән зыян якынча 3 мең сумнан артык тәшкил иткән. Шикләнелүченең шәхесе ачыкланган.