Владимир Путин ашыгыч рәвештә Магнитогорскига килгән

(Казан, 31 декабрь, «Татар-информ»). Россия Президенты Владимир Путин Магнитогорскига килде, дип яза федераль матбугат чаралары. Бүген иртән шәһәрдә 10 катлы торак йортта көнкүреш газы шартлады.

Владимир Путин зыян күрүчеләр һәм җирле түрәләр белән шәхсән аралашырга карар кылган, диелә хәбәрдә.

Daily Storm басмасы Президентның матбугат сәркатибе Дмитрий Песковның инде Магнитогорскига килүе хакында хәбәр итте.

• Бүген иртән Магнитогорскида 10 катлы торак йортта көнкүреш газы шартлаган. Нәтиҗәдә, йортның бер подъезды җимерелеп төшкән. Дүрт кеше һәлак булган, берничә дистә кешенең язмышы билгеле түгел. Чиләбе өлкәсендә гадәттән тыш хәл режимы кертелгән.

Бу хакта тулырак: https://tatar-inform.tatar/news/2018/12/31/178129/