“Хезмәт ветераны” исеменә кем дәгъва итә ала?

ТР Хезмәт, халыкны эш белән тәэмин итү һәм социаль яклау министрлыгының Тәтеш районындагы социаль яклау бүлеге начальнигы  Ольга Колсанова җавап бирә:

– “Ветераннар турында”гы федераль закон нигезендә “Хезмәт ветераны” исеме бирелә:
1) СССР яисә Россия Федерациясе орденнары яисә медальләре белән бүләк­ләнгән, яки СССРның яисә Россия Федерациясенең мактаулы исемнәренә лаек булган, яки Россия Федерациясе Президентының Мактау грамоталары белән бүләкләнгән яисә Россия Федерациясе Президенты Рәхмәтенә лаек булган, яки эштәге (хезмәттәге) казанышлары һәм эшчәнлекнең тиешле өлкәсендә (икътисад тармагында) кимендә 15 ел дәвамында эшләгән (хезмәт иткән) өчен ведомство медальләре бе­лән бүләкләнгән һәм пенсия билгеләү өчен хезмәт (­иминият) стажы булган затларга, календарь хисабында тиешле еллар эшләгәнгә пенсия билгеләү өчен ир-атларга кимендә 25 ел һәм хатын-кызлар өчен 20 ел яки тиешле еллар хезмәт кую кирәк;

2) Бөек Ватан сугышы елларында балигълык яшенә җитмәгән килеш хезмәт эшчән­леген башлаган һәм ирләр өчен кимендә 40 ел һәм хатын-кызлар өчен кимендә 35 ел хез­мәт (иминият) стажы булган ­затларга.

“Хезмәт ветераны” исемен алу хокукын бирә торган ве­домство карамагындагы медальләр федераль башкарма хакимият органнары, башка федераль дәүләт органнары, дәүләт корпорацияләре тарафыннан гамәлгә куелган һәм алар белән бүләкләү күрсәтелгән органнар тарафыннан билгеләнгән тәртиптә гамәлгә ашырылган хезмәттәге (службадагы) казанышлар һәм эшчәнлекнең тиешле өл­кәсендә (икътисад тармагында) кимендә 15 ел дәвамында эшләгән (хезмәт куйган) өчен ведомство бүләкләре булучыларны күз уңында тота.