Тэтэш таннары
  • Рус Тат
  • Язгы кырлар музыкасы

    "Содружество" ҖЧҖ кырлары техника гөрелтесенә күмелде - чәчү бара.

    Язгы чәчү башлануга игенчеләр бе­лән бер­рәттән бөтен кол­лектив сөенә, чөн­ки­­ быелгы уңышка бү­­ген­­ нигез салына. Эш­ләр­­ көйле барганда сө­­енми мөмкин түгел. Чә­­чүгә җентекләп әзер­ләнгәннәр: ­­­­­­­­­­­җитәрлек кү­ләмдә ягулык-майлау ма­териаллары, ашлама­лар,­ элиталы ор­лык­лар­­­­­­­­­­­­­­­­­ әзерләгәннәр, хәтта икенче репродук­ция­ле­ләре дә юк. Хез­мәтне саклау турында да кайгыртканнар. Хуҗалык белгечләрен дә махсус эш киемнәре белән тәэмин иткәннәр.

    "Май салкын булса - ик­мәк тә мул була", "Туннан чәч - күлмәктән җыеп ал", - дип, мәкальләрне те­зеп китте үсемлекчелек буенча директор урын­ба­сары Әхмәт Галәтдинов. - Көннәрнең салкын торуы бик әйбәт: корткычларны юк итә, дым парга әйлән­ми.
    Биредә басуга 18 ап­рельдә чыканнар, эш­не туңга сөрелгән җир­ләрне тырмалаудан баш­ла­ганнар, бу 4 мең гектарда башкарылган, күпьеллыклар белән бер­гә хуҗалыкның 18 мең гектар җире бар.

    Уҗымнарны тукландыру тәмамланып килә, көн саен 600-700 гектар ашлана. "Амазоне", "Раух" һәм "Бредал" тагылган МТЗ тракторларында тәҗ­рибәле меха­ни­заторлар Вита­лий­­ Горланов белән Алек­сандр Морозов, Алексей Авдеев белән Николай Алешин тәүлек әйләнәсе уҗымнарны тукланды­ралар. Алек­сандр Камаев бер сме­нада гына эшли. Уҗымнар самолеттан да тукландырыла.

    Чәчү агрегатлары тагыл­ган­ чит ил машиналары - "Джаундир", "Нью Хол­ланд"лар тырмаланган һәм ашланган җирләрдә туктаусыз эшлил­әр, алар белән тәҗрибәле игенчеләр Сергей Фила­тов белән Евгений Мав­рин, Дмитрий Трошин белән Николай Ивлев һәм Сергей Аввакумов белән Сергей Ивлевлар идарә итә. Техника бер үк вакытта ашлама кертергә, туфрак культива­ция­ләргә, чәчәргә һәм ка­ток­ларга да мөмкинлек бирә. Тәүлегенә 450 гектарга ка­дәр чәчәләр. Чәчкечләргә орлыклар тутырган арада Сергей Ивлев (рәсемдә) белән сөй­ләшеп алабыз. Аның эшен­нән канәгать булуы ел­маюлы шат йөзеннән күренеп тора.
    - 20 апрельдән бирле арпа чәчәбез. "Нью Холланд"та икенче ел эшлим - бер ди­гән техника, минем элекке МТЗ белән ча­гыштырырлык түгел. Кабинада үзеңне очу­чы итеп тоясың - бар­сы да электроникага ко­рылган.

    Кырлар хуҗасы КамАЗ кузовыннан алтын ел­га булып аккан орлык­ларны игътибар бе­лән күзәтә. ­Эш­не исәп­кә алу өчен кыр­га механизаторлар белән бер­­гә икътисадчылар -­ Валентина Курникова, На­дежда Зотовалар кил­гән­нәр.

    - Техниканы заправкалау, төшке аш мәсьәләләре ничек хәл ителә? - дип со­рыйм Әхмәт Әх­ә­то­вич­тан. - Кырда ике­­ заправкалаучы - Денис Прутсков һәм Алексей Ярандаев эшли. Чәчүдә катнашучыларга аш көнгә ике тапкыр басуга китерелә. Һәр аг­регатка ашлама һәм орлык ташучы машиналар бер­кетелгән. Бүген чә­чү­дән дә мөһимрәк мәсьәлә юк. Кырда көн саен 75 механизатор (40 трактор), 30 шофер һәм 20 эшче хезмәт куя.

    "Содружество" коллек­ти­­вының эше матур бара. Көн­­дез дә, төнлә дә эш кайнап тора. Игенчеләр шикәр чөгендере чә­чү­гә керешәләр, ул 1,5 мең­ гектар биләячәк. Аны чәчүне - 10 көндә, ә­ барлык бөртеклеләрне Җиңү көненә тәмамларга планлаштыралар.
    Көзен игенчеләр бөртек­ле­ләрнең гектарын­­нан - 30,­ ши­кәр чөгендереннән - 400 һәм рапстан 20 центнер уңыш алырга исәп тоталар. Киләчәктә дә­ үз холдингларында ал­­дынгылыкны кулдан ычкындырмаска уйлыйлар.

    Теги: undefined
    Нравится
    Поделиться:
    Реклама
    Комментарии (0)
    Осталось символов: