“Барс” спорт-сәламәтләндерү комплексында спорт фестивале узды

(Тәтеш,  17 декабрь, Тәтеш таңнары). “Барс” спорт-сәламәтләндерү комплексында инвалидлар ункөнлеге кысаларында район башкарма комитеты яшьләр эшләре һәм спорт бүлеге, инвалидлар җәмгыяте балалар, өлкәннәр арасында спорт фестивале уздырды.

Спорт, җайлаштыру уеннары, шулай ук дартс, җиңел атлетика эстафетасы, мишеньгә туп тидерү, кеглилар бәреп төшерү  ярышта катнашучыларның барысын да мавыктырды, аларның һәркайсы истәлекле приз белән бүләкләнде, ә җиңүчеләр дипломнар белән билгеләп үтелде.