Келәмгә – бары тик җиңәр өчен

(Тәтеш, 3 февраль, “Тәтеш таңнары” ). Тәтешнең спорт мәктәбе шәкертләре 16 яшькә кадәрге егетләр һәм кызлар ­арасында ирекле көрәш ­буенча Татарстан Республикасы Беренчелегендә үзләренең осталыкларын һәм күнекмәләрен күрсәттеләр.

Буада узган ярышларда Тимерлан Мифтахов, Евгений Кулагин, Татьяна Долгова һәм Рания Рахманова үз үлчәү авырлыкларында беренче урынны алдылар. Олег Кулагин, Виктория Пох­лебкина, Виктория Тайманова, Александра Акатова, Алинә Асанова, Елизавета Макарова көмеш призерлар булдылар. Анна Юдина, Дарья Мартынова, Полина Белова, Кира Пугачева һәм Замина Дугалева бронза ­медаль яуладылар.
Спортчыларның тренерлары Сәгыйть Ибраһимов һәм Александр Яковлев.