Көмеш призерлар булдылар

(Тәтеш, 2 декабрь, “Тәтеш таңнары”). Тәтешнең яшь спортчылары – бадминтон ярышлары буенча Бөтенроссия призерлары дип танылдылар.

Тәтешнең спорт мәктәбе спортчысы Софья Сергеева 13 яшькә кадәргеләр категориясендә катнаш парлы һәм хатын-кызлар арасында парлы разрядта көмеш медаль алды.

Тәтешнең балалар-яшүсмерләр спорт мәктәбе спортчысы Валерия Таҗиева 17 яшькә кадәргеләр категориясендә катнаш парлы разрядта һәм хатын-кызлар арасында парлы разрядта көмеш призер булды.

­Ноябрь аенда Орел шәһәрендә узган ярышка Россиянең 35 шәһәреннән 250дән күбрәк спортчы җыелган.