Көрәш буенча көмеш медаль яулады

(Тәтеш, 11 ноябрь, Тәтеш таңнары). Унсигез яшькә кадәрге кызлар һәм 21 яшькә кадәрге егетләр арасында ирекле көрәш буенча Бөтенроссия ярышларында Тәтеш балалар-яшүсмерләр спорт мәктәбе шәкерте Наталья Храменкова үз үлчәү авырлыгында көмеш медаль яулады. 

Турнир Ленинград өлкәсе Выборг шәһәрендә узды. Спортчының тренер-укытучысы Сәгыйть Ибраһимов хәбәр иткәнчә, РФның 40 субъектыннан килгән вәкилләр 2нән 6 ноябрьгә кадәр өч көн дәвамында җиңү өчен көрәшкән. Ярыш нәтиҗәләре буенча Россия җыелма командасы составы билгеләнгән, яшь тәтешле дә анда кертелгән.