Кышка суган утыртырга була

(Тәтеш, 6 октябрь, "Тәтеш таңнары"). Урамда төнге температура тотрыклы рәвештә -5... -7 градус булганда аны утыртырга киңәш ителә. Шулай ук суганның туфракта тамырланырга кирәклеген дә исәпкә алыгыз, шуңа күрә тотрыклы суыкларга кадәр якынча бер ай вакыт таләп ителә. Бу эштә ашыгырга ярамый, иртә утыртканда суган үсеп китә һәм салкыннарда һәлак була.

Әйдәгез башта төгәллек кертик, суган көз вакытында утыр­тыла, ягъни махсус көз аенда утырту өчен билгеләнгән булсын. Көзен утыртыр алдыннан суганның муентыгын кисмиләр.

Суганны утыртыр алдыннан туфракны өстәмә тукландыру зарур. Моның өчен бер квадрат метрга 15 грамм агач көле файдаланырга мөмкин. Өстәмә тукландыруны ике тапкыр үткәрергә кирәк, беренчесе – утыртыр алдыннан, ә икенчесе – язын, өстен каплау материалын алганнан соң. Суганны бөртекле культуралар, кәбестә, помидор, кыяр, кукуруз, борчактан соң утырту зарур. Суган утыртыла торган урынны һәр ике ел саен алыштырсаң һәм элекке урынына  кимендә 3 ел утыртмасаң яхшырак. Утыртыр алдыннан суган коры булырга тиеш, аны чылатырга кирәкми.

Суганны буразнага 5-7 сантиметр тирәнлектә, буразналар арасы якынча 20 сантиметр, ә суган орлыклары арасын якынча 7 сантиметр итеп утырталар. Утыртканнан соң су сибүгә килгәндә, табигать сезнең ярдәмнән башка да барысын да үзе эшли. Әгәр ике атна дәвамында яңгырлар яумаса, ул чакта су сибәргә мөмкин. Тотрыклы салкыннар башлангач, утыртылган суганнарны томаларга кирәк, моның өчен коры яфраклар бик яхшы сак­лагыч булачак.