Көн темасы
Коткаручылар Иделдәге куркыныч участокларны ачыкладылар
Кече суднолар, эзләү-коткару отряды буенча инспекция хезмәткәрләре, дәүләт техник күзәтчелек вәкилләре кабартып тутырылган зур тәгәрмәчле "Хивус-6" катеренда Куйбышев сусаклагыч мәйданы буенча патрульлек иттеләр.
Белгечләр Лобач тавы тирәсендәге "Әрмән кызыну урыны", Кама Тамагы пристане, Куйбышев затоны янындагы Лачын баласы тавы, Тәтештә һәм Болгарда куркыныч участоклар таптылар. "Бу боз калынлыгын үлчәү нәтиҗәсендә ачыкланды, ул 14тән 23 сантиметрга кадәр тәшкил итте. Судно белән тикшерү юлында шулай ук ачык сулы урыннар да очрады - Лобач тавы каршында, Сөйки Югарылыгында, Тәтеш һәм Болгар арасында урнашкан Шишка утравы янында әремнәр үсә", - дип сөйләде "ТР буенча Россия МЧС КСДИ үзәге" ФКУның Кама Тамагы инспекторлык участогы җитәкчесе Алексей Ананьев.
Патрульлек итүчеләр шулай ук балыкчылар - кышын балык каптырырга яратучылар һәм ял итүчеләр белән аңлату әңгәмәләре үткәрделәр, киңәшләр һәм күрсәтмәләр белән белешмәлекләр тараттылар, бозга керү аянычлы булмасынга, эрегән урыннар барлыгы хакында кисәттеләр. Кар машинасында балык тотарга килүче хуҗаларның, өстәвенә әле кешеләр ташу белән шөгыльләнүчеләрнең, транспорт йөртүгә хокукы барлыгы да тикшерелә. Хокук бозучыларга административ җаваплылык турында беркетмәләр тутырыла.
Коткаручылар балыкчылар һәм кар машиналарында йөрүчеләрнең тагын бер кат исләренә төшерә: сулыклардагы кар баскан һәм өслеге ярыклар белән капланган боз участогыннан читтәрәк булу, төннәрен елганың боз капламына чыкмау зарур.
Следите за самым важным и интересным в Telegram-каналеТатмедиа
Нет комментариев