Матур әдәбият укырга яратучылар бергә җыела

(Тәтеш, 22 гыйнвар, “Тәтеш таңнары”). 

Анда районыбызның Бөтендөнья “Ак ­калфак” иҗтимагый оешмасы, Бө­тенроссия “Татар гаи­ләсе” иҗ­тимагый фонды җитәкчесе Рима Са­фиуллова, татар милли-мәдәни үзәге җитәкчесе Асия Ибраһимова һәм Казаннан язучы-прозаик Зиннур Хөснияр, Бөтенроссия “Татар гаиләсе” иҗти­ма­гый фондының башкарма директоры Миләүшә Гайфуллина ­катнашты. Алар бүгенге көндә мәк­тәп укучыларының, яшь­­­ләрнең һәм өлкән буын­ның матур әдәбиятка ка­рата мөнәсәбәте, карашы хакында әңгәмә ­кордылар.
– Очрашуның максаты – Тәтеш районында “Татар гаиләсе” фонды белән берлектә “Хур кызлары” романы, шулай республикада чыгып килүче берничә журнал буенча “Китап укучылар” һәм “Гаилә укулары” дип исемләнгән конференция уздыру, – диде Зиннур Зыятдин улы. – Кешеләр “Хур кызлары” романы буенча үз фикерләрен кыю рәвештә әйтсеннәр иде. Әлеге әсәр бүгенге заман яшьләре өчен мөһим.

Миләүшә Хафиз кызы уртаклашканча, конференция барышында районыбыздагы матур, үрнәк татар гаиләләре “Татар гаиләсе” фонды тарафыннан билгеләп үтеләчәк, үрнәк татар гаиләләренең көн­дәлек яшәү рәвеше, йолалары белән таныш­ты­ру мизгелләре булачак. 
Түгәрәк өстәлдә барган ачыктан-ачык сөйлә­шү конференцияне уз­ды­руның төгәл көнен бил­геләү, алда торган чаралар хакындагы фикерләр, тәкъ­димнәр белдерү белән үрелеп барды.

16+