Рәсемнәр кагыйдәләрне өйрәнергә ярдәм итә

(Тәтеш, 13 март, “Тәтеш таңнары”).“Авангард” газетасы редакциясендә районның дәүләт автоинспекциясе белән “Авангард” газетасы редакциясе оештырган “Юл йөрү кагыйдәләре балалар карашыннан” дигән балалар рәсемнәре конкурсында җиңүчеләрне һәм призерларны бүләкләделәр.

Тәтеш ­районында­гы белем бирү уч­реж­дение­ләрендә белем алучы 7дән 16 яшькә кадәрге укучылар жюри хөкеменә 67 эш тапшырды. Балаларның барысы да рәсемнәр ясаганда тырышлыкларын, талантларын, фантазияләрен эшкә җиккәннәр, юл йөрү кагыйдәләрен белү осталыкларын кулланганнар. Гуашь, акварель, карандаш белән ясалган рәсемнәр матур һәм ти­рән эчтәлекле. Балалар үзләренең эшләрендә кызыл ут – светофорның тыю сигналы янганда юлдан аркылы чыгарга ярамаганлыгын сурәтләгәннәр. Машинада утырып йөргәндә иминлек каешы эләктереп куелган һәм баланың махсус җайланмада булырга тиешлегенең мөһим икән­леген рәсемнәр ярдәмендә күрсәткәннәр. 
Бәйге нәтиҗәләре буенча, Богдашкино төп мәк­тәбеннән Валерия Муллина җиңүче булды, икенче урын – Әмир Хафизовка (1нче мәктәп), өченче урын Самат Идиатуллинга (1нче мәктәп) бирелде. Дүртенче урынны Саминә Закирова (Бидәңге төп мәктәбе) алды, бишенче урынны Юлиана Минтюкова (1нче мәктәп) яулады.

Айзилә Әхмәтҗанова, Зөһрә Кучкелдиева, Диләрә Фәйзуллина, Софья Кутяшова, Глеб Каргин, Камилла Ананьева, Кирилл Агеев, Эвелина Миронова, Адель Хәлимов, Арслан Мусаев призерлар булдылар.

Тәтеш районының ЮХИ­ДИ бүлеге начальнигы ­Рә­­мис Фаризов бүләкләү тантанасы барышында ба­лаларның игътибарын юл хәрәкәте кагыйдәләрен белүнең әһәмиятлелегенә һәм үтәүгә, кеше гомеренең кадерен аңлауга юнәлтте.

Конкурста җиңүчеләр һәм призерлар грамота­лар, призлар белән бүләк­ләнделәр. Редакция бү­л­мәләре буйлап экскурсия ясау балалар өчен аеруча да күңелле һәм мавыктыргыч булды. Алар “мәктәптә яхшы билгеләренә, китап­лар һәм газеталар укыр­га, ә урамда юл йөрү ка­гый­дәләрен үтәргә” вәгъдә иттеләр.