Тәтештә «Созвездие-Йолдызлык» фестивале жюри әгъзалары фестивальдә катнашучылар белән очрашты

5 февраль Тәтеш районы мәдәният йортында «Созвездие-Йолдызлык» эстрада сәнгатенең ел саен үткәрелә торган XXV Ачык республика телевизион яшьләр фестивале жюри әгъзалары фестивальдә катнашучылар белән очрашты. 

Катнашучыларга сәламләү сүзе белән режиссер, продюсер, җәмәгать эшлеклесе, РФ хөкүмәтенең мәдәният өлкәсендәге премиясе лауреаты, Татарстан Республикасының һәм Кырым Республикасының атказанган сәнгать эшлеклесе, Россия Федерациясенең Мактаулы остазы, «Созвездие-Йолдызлык» фестиваленең генераль продюсеры Дмитрий Туманов мөрәҗәгать итте.