Тәтештә бәйрәм чаралары булып узды

Тәтештә бәйрәм чаралары 
(Тәтеш, 2 сентябрь, "Тәтеш таңнары"). Узган якшәмбе көнендә шәһәрнең үзәк паркы тәтешлеләрне һәм кунакларны җәлеп итү урынына әйләнде, анда бәйрәм даталары уңаеннан чаралар булып узды.

Ул “Яратам сине, синең белән горурланам, туган ягым” дигән музыкаль программадан башланды. Сәхнәдә татар, рус, чуаш, мордва телләрендә Ватан турындагы җырлар яңгырады. “Татарстан бү­генге көн­дә – ул көчле, югары үсеш­тәге республика, анда гореф-гадәтләрне хөрмәт итәләр, дини һәм мәдәни мирасларны ка­дерләүгә сакчыл карыйлар. Тәтеш районы бөтен Татарстан белән бердәм дулкында яши һәм үсеш ала, районны һәм республиканы үстерүгә һәрбер тәтешле үзеннән өлеш кертә”, – дип мөрәҗәгать итте җые­лучыларга район башкарма комитеты җитәкчесе Аркадий Семенычев. 

Үзәк парк терри­то­рия­сендә бәйрәм рухы хө­кем сөрде: фонтан янында халык уен кораллары оркестры башкаруын­да музыкаль ком­­по­зи­­цияләр яңгырады, рә­­сем ясау сәнгате буенча мастер-класс һәм гамәли-кулланма иҗат әйберләре күргәзмәсе оештырылган иде. Әгәр өлкән буын сәхнә янәшәсендәге урыннарга урнашып, концерт прог­раммасы белән хозурланса, балалар исә вакытны тагын да активрак уздыруга өстенлек бирде, сайлау төрләре күп иде. ГТО нормаларын тапшыру буенча мәйданчык эшләде, теләге булган һәркем үзен бадминтон, волейбол, футбол, көрәштә сынап карый алды, китапханәләрдәге хезмәткәрләр әдәби-та­нып белү программасында катнашырга тәкъдим итте.

“Кара-каршы бер адым” талантлар ярминкәсе төр­ле таматикадагы берничә мәйданчыкны берләш­терде, анда балалар, үзенә бер төрле квест ясап, үзләрен иҗатта һәм спортта күрсәтә, өстәмә белем үзәге, районның спорт һәм яшьләр оешмаларының эшләре белән таныштыра алдылар. Чараны  йомгак­лап призлар уйнатылды­.

“Без балам белән Татарстан Республикасы көненә багышланган бәйрәмгә бик теләп килдек. Чара бик яхшы оештырылган, матур, күңелле һәм танып белүле. Әйберләр әвәләү буенча мас­тер-класста катнаштык, чын мольберт артында рәсем ясадык, тере музыка белән хозурландык”, – дип уртаклашты тәтешле Кристина Кулагина.