Вшиха тавы яңа төсмер ала

(Тәтеш, 1 декабрь, “Тәтеш таңнары”). Безнең шәһәрдә “Тарихка 320 баскыч: Троицк буйлап” бәйгесенең про­екты тормышка ашырыла, ул уңайлы шәһәр мохите булдыру буенча иң яхшы проектларның IV Бөтен­россия конкурсында тәкъдим ителгән иде.

Хәзерге вакытта Идел­нең биек ярында прис­таньнан Вшиха тавына алып менүче яңа баскыч төзелде. Аның озынлыгы 400 метрдан артык. Әлеге юлда ял итү өчен мәйданчыклар урнаштырылган, биредә утырып торырга, җирле матурлыкны күрергә мөмкин булачак. Ян кырыйлардагы коймалар көзгеле панельләр белән ясалган, шулай булгач, кояшлы көндә корылма әкияти кышкы матурлык хасил иткәндәй, балкып диярлек торачак. 

– Әлегә баскычка тасма рәвешендәге яктырт­кычлар кую белән шөгыль­ләнәбез, ул ике яклап булачак, – дип хәбәр ит­те субподрядчы ­оешма җитәкчесе Руслан Ка­­дыркаев. – Аннары койманы эчтән агач белән әй­ләндереп алачакбыз, халыкка уңайлы булсын өчен култыксалар да шулай ук агачтан булачак. 
Вшиха тавында эшләр берүк вакытта тимердән ясалган зур күзәтү мәй­данчыгында да дәвам итә, каркасы җыелган инде, идән өслеге бар, төзүчеләр ян кырыйлардагы коймаларны җыю буенча эретеп-ябыштыру эшләре белән шөгыльләнә. Алар шулай ук көзгеле, кул­тыксалар кебек, агач белән тышланган булачак. Мәйданчыкны тиздән соры төскә буяп куячаклар.

Төзүчеләр эшенә салкыннар комачауламыймы дигән соравыма, ма­териалларның барысы да шундый һава шартларына яраклаштырылган, дип җавап бирде Руслан Кадыркаев. Планда – каравыл манарасы янына брусчатка җәю, мәйда­ны 700 квадрат метрдан ­артык тәшкил итәчәк, мәйданчыкка ин­де бетон түшәлде, нигезе әзер, дип тә өстәде ул. Шушында ук ял итү өчен эскәмияләр куелачак.

Юлны яктырту мәсь­әләсе хәл ителгән – Троицк чиркәвеннән алып каравыл манарасына кадәрге урамның бер ягына яктырткычлар белән баганалар куелачак.
Яраткан урыннарында төзекләндерү эшлә­ренең ничек баруы тә­теш­леләрнең күбесен кы­­зыксындыра һәм алар Вши­ханың ничек үзгәрүен карарга киләләр.
– Идел баскычы буйлап һәр иртәдә җәяүләп саф һава сулап йөрибез, – дип уртаклашты шәһәрле Надежда һәм Татьяна. – Безнең өчен бу үзенә күрә бер төрле күнегү. Элеккеге агач баскыч белән чагыштырганда яңасы озынрак икән, шулай да бу безне борчымый, Идел киңлекләре белән озаграк ләззәтләнәчәкбез.  

Ирле-хатынлы Зинаида һәм Александр Аксеновлар җәе буе авылда яшәүләре һәм көз аенда беренче тапкыр Вшихага килүлә­ре, матур үзгәрешләргә шатлык­лы гаҗәпләнү ки­черүләре турында сөйләделәр: 

– Бик матур, зәвыклы, заманча булган. Төшү мәй­данчыгын көтәбез, шундый зур корылмадан чал елга күренеше тагын да сок­лангыч булып күренәчәк. Җирлектә яшәүчеләр дә, районыбыз кунаклары да матурлыкны карап хозурлансын иде.