Китапханә ишекләре һәркем өчен ачык

(Тәтеш, 9 июнь, “Тәтеш таңнары”). 

Нәкъ тә әлеге ­урынны авыл кешеләре өчен ял итү учагы һәм мәгълүмат үзәге дип әйтергә мөмкин.  
Китапханәче ­Лилия Гафиятуллина үзенең һөнәре ­педагог һөнәре белән охшаш, дип белдерә. Һәм ул хаклы, чөнки ­беренче ­белеме буенча ул ­башлангыч ­сыйныфлар укытучысы, туган ­авылы мәктәбендә ­15 ел эшләгән.

– Китапханәгә эшләргә кил­гәч, минем өчен барысы да яңача булды, башкарып чыга алырмынмы икәнлегемне белмәдем, – ди Лилия Илдус кызы. Китапханә хезмәте ветераны Маһинур Хәбировна Шәйхетдинова миңа бик ярдәм итте һәм хуплады, эшне ничегрәк оештырсам яхшырак булачагын киңәш итте, шәхси тәҗрибәсе белән уртаклашты.  
Авыл китапханәчесе янына укучылар еш килә, хәзер ул алар өчен сыйныфтан тыш чаралар үткәрә, яңа китап­лар тәкъдим итә, алар белән бергә укый. Әсәрләр танып белүгә һәм тәрбия бирүгә ия булганлыктан, укыту һәм тәрбия чарасы алып барыла дигән сүз, димәк, Лилия Хәбир кызы олытормылыларның үсеп килүче буыны өчен кабат укытучы. Ул балалар бакчасы сабыйлары, мәктәп укучылары, ­укытучылар белән хезмәттәшлек итүе­нә сөенә, алар теләсә нинди чарада аның  өчен ярдәмчеләр.

Китапханәче өлкән яшь­тәге кешеләр турында да эчке бер җылылык белән сөйли. Ул Лилия Хәй­рул­линаны, Маһинур Шәй­хетдинованы, Лилия Бикмееваны активистлар һәм иҗади ке­шеләр дип атый, алар акцияләрдә, әдәби ки­чә­ләрдә катнашалар икән.

Лилия Илдус кызының башка торак пунктларда да матур әдәбият укучылары бар. Ире аңа ярдәм итү өчен машинасына утыра да, алар авыллар буйлап китаплар таратып чыгалар. 
– Чолыда мине Маргарита Павлова белән Тамара Ильина көтеп тора. Кече Тормыда Динә һәм Әхмәтвәли Әүхәдишиннар каршы ала, – ди китапханәче. – Аларның барысы да газета, журналлар укырга яраталар, йорт хуҗалыгы буенча мәгълүматлар белән кызыксыналар. Аларның һәркайсы белән аралашып та алам, кемдәдер ямансулыйм, кемдәдер сөенәм, игътибар күрсәтүдән дә мөһимрәк берни юк.      

Бәйрәм ­программалары авыл­ның мәдәният ­йор­ты директоры ­Рушания Мусина белән иҗади хезмәт­тәшлектә оешты­рыла. Кеч­е­сен дә, олысын да җыя торган Яңа ел, Нәүрүз бәйрәмнәре һәркем өчен күңелле, матур, кызыклы уза.   

Татар халкының гореф-гадәт­лә­рен саклауга да шулай ук зур игътибар бүлеп бирелә. Лилия Илдус кызы туган телне киң таныту өчен төрлечә эшләү алымнарын куллана, биш меңгә якын данәдән торган китап фонды татар телендәге әдәбият белән һәрдаим ­тулыланып тора.  

Китапханәгә ­матур әдә­бият китаплары бү­ләк итүчеләр дә бар. Тумышы белән шушы ­авыл­дан, хәзерге вакытта Мәс­кәүдә яшәүче Касыйм Әхмәт­җановтан чираттагы бүләк­не көтә­ләр, детективларны һәм маҗараларны якташ­лары  яратып укыйлар.  

Авыл китапханәсенең ишек­ләре һәркем өчен ачык. Лилия Илдус кызы төрле яшьтәге китап укучы­ларның мән­фәгатен күз уңында тотып, кирәк­ле китапны, газетаны яки журналны авыл кешеләре укый алсын дип тырыша. 

– Бер елга  өч йөздән күбрәк кешегә хез­мәт ­күрсә­тә­без һәм китап­ха­нәбезгә йөрү­че­ләрнең, уку белән кызык­сы­ну­чыларның барысын да ­сөе­неп каршылыйбыз, – ди Лилия Илдус кызы.