Һәр көнгә сөенеп, яңалыкны танып белә

(Тәтеш, 26 август, "Тәтеш таңнары"). 

Педагог һөнәрен ул әти­сенең катгый үтенече буенча сайлаган һәм аңа моның өчен бик тә рәх­мәтле. Татьяна Владиславовна педагогия училищесы укытучыларын хөрмәт белән искә ала һәм анда укуны югары уку йортына тиңли, нәтиҗәдә югары белем дә алган, өстәвенә һәркайсында зур кызыксыну белән укыган, актив иҗтимагый эш тә алып барган. Тәтешле балаларга өстәмә белем бирү үзәгендә директор урынбасары булып эшләвен үзенең тормышында зур әһәмияткә ия вакытлар дип саный. “Коллектив көчле иде, мавыктыргыч һөнәр безнең өчен тормышыбызга әйләнде, әйтерсең лә зур бер тату гаиләдәй эшләдек, Валентина Сучкова, Татьяна Камаеваның ярдәмен һәм тәҗрибәсен ихтирам итәм, – ди Татьяна Владиславовна. – Өстәмә белем бирү үзәгендә зур аудитория белән аралашу мәктәбен үттем, төгәл максатлар куелды, аларга ирешү өчен барлык көч куелды, һәм нәтиҗәсе гарантияле булды”. Нәкъ тә менә әлеге ка­гыйдә Татьяна Красули­наның эшендә, район башкарма комитеты мәгариф бүлегенә җитәкчелек ит­кәндә кулланылган. “Без үз алдыбызга гаять зур максатлар куйдык һәм аларга ирештек, – дип раслый ул. – Районның педагогия берләшмәсе традицияләрне нык саклый, югары хезмәт сәләтлелегенә ия һәм үзлә­ренең барлык көчләрен, осталык­ларын балалар­га белем бирүгә куялар. Югары квалификацияле педагогия берләшмәсе күрсәт­кече – БДИны бернинди дә тәртип бозуларсыз һәм түбән нәтиҗәләрсез тапшыру, йөз балл җыю-чылар белән горурланабыз, ә укучыларның һәм аларның ата-аналарының олы хөрмәтен Укытучыга карата рәхмәт хисләре, дип саныйм”. 
Татьяна Владисла­вов­на соңгы елларда рай­он­ның белем бирү учреж­дениеләренең матди-техник базасы шактый яхшырды, дип билгеләп үтә. “Моның барысына да  район башлыгы Рәмис Хатыйповичның гаять зур ярдәме белән ирешергә мөмкин булды, – ди хезмәт ветераны. – Ул мәгариф хезмәткәрләрен, балаларны чын күңелдән кайгырта, аларның үсеше өчен яхшы шартлар булдырырга һәр яклап йогынты ясый, алар белән ихластан кызыксына”. 
“Татьяна Владиславовна районның мәгариф сис­темасына зур өлеш кертте, аның эшчәнлеге белем бирү сыйфатын арттыруга юнәлтелгән иде”, – диде район башкарма комитеты мәгариф бүлеге начальнигы Гөлнара Кирилина.
Шәһәрле лаеклы ял­да булса да респуб­ликада, райондагы мәга­рифнең торышын күзә­теп баруны дәвам итә, хезмәттәшләренең һәм укучыларның уңыш­ларына сөенә. Балалары һәм онык­лары белән күп вакытын уздыра, аларга күңел җылысын бүләк итә. Ире белән яшелчә үстерергә, сәя­хәт итәргә яраталар. 
“Миңа  кызык­лы­ кеше­ләр белән очрашу,­ яңалыкны танып белү ошый,  бу минем яшәү рә­вешем”, – ди ­Татьяна ­Владиславовна.