Валентина Старостина районның сәүдә тармагында 40 елдан күбрәк эшли.

(Тәтеш, 20 август, "Тәтеш таңнары"). “Тәҗрибәле һәм кырыс педагоглар безне профильле фәннәргә генә түгел, шу­лай ук сатып алучы белән аралашу ­осталыгына да, пөхтә, ягымлы булырга да өйрәттеләр”, – ди ул.

Валентина Павловна үзенең сәүдә ноктасында нигездә өйдә киеп йөри торган киемнәр тәкъдим итә, ул өйдә дә матур һәм зәвыклы булырга кирәк, дип раслый. Төрле тукымалар, аларның сыйфаты хакында сәгатьләр буе сөйли ала, алардан нәрсә тегәргә, нинди температурада юарга кирәклеге турындагы киңәшләрен бирә. Сатучы әйтүенчә, һәр­вакытта “Теләсә нинди киемне сатырга кирәк” дигән гыйбарәне күз уңында тотмый: әгәр товар гәүдә ­зифалыгына яки төсе белән туры килмәсә, дәшмичә кала алмый, һичшиксез башка төрдәгесен алырга киңәш итә икән.

“Сатып алучы кайчак­ларда нинди үлчәм ки­рәклеген төгәл билгели алмый, икеләнә, барысын да күрсәтеп чыгам, тәкъдим итәм, бәясе кулайрак булганны сораучылар да була бит. Сабыр һәм ярдәмчел булырга, һәркемнең үз җаен таба белергә кирәк. Миңа бу кыенлык тудырмый, шуның өчен эшлим дә бит инде – кеше әйбер һәм яхшы кәеф белән китәргә тиеш”, – ди Валентина Павловна. Күрәсең, башкача була да алмыйдыр, чөнки ул үзенең товарын алырга килүчеләргә “Кояшым син минем, чибәрем син минем, җиләгем син минем...” дигән сүзләр белән мөрәҗәгать итә, һәм болардан күңелдә җылылык артачак, сатып алган әйберләр дә икеләтә матуррак булачак.

Сатып алучы Маргарита: “Валентина һәрчакта күтәренке рухта, мөлаем, аңа килүе рәхәт, әгәр товар сорап мөрәҗәгать итсәң, һичшиксез алып кайтачак”.

Наталья: “Ул шундый молодец, һәрвакытта ихлас­тан аралаша, үзенә җәлеп итә. Кешеләрчә мөнәсәбәт һәм киң күңеллелек бик зур әһәмияткә ия”.

Ә сатучы кешеләрне һәм үзенең һөнәрен яратуын раслый, шуңа күрә барысы да уңышлы һәм җайлы бара.