Олег Мазюкин: “Вакцина ясату чирләү куркынычын киметә, авыр өзлегүләргә һәм үлем-җитемгә юл куймый”

(Тәтеш, 28 апрель, “Тәтеш таңнары”, Инна Сафиева). Вакцина ясау тарихы үз эченә 225 елга якын вакытны ала, 1796 елда инглиз табибы Эдвард Дженнер 8 яшьлек малайга чәчәк авыруыннан прививка ясаган һәм малай авырмаган. Шул чактан алып вакцина – кешеләрне еш кына үлемгә һәм инвалидлыкка китерә торган күп кенә инфекцияле чирләрдән саклаучы ышанычлы һәм тикшерелгән бердәнбер ысул. Вакцина авыруларның авыр төр­ләреннән, өзлегүләрдән, үлемнән саклый. Вакцина ярдәмендә инфекцияне бары тик бердәнбер очракка кадәр генә түгел, шулай уку дөньяда табигый чәчәк авыруы һәм Россиядә полиомиелит кебек авыруларны ­тулысынча юкка чыгарды.

– Яңа коронавирус пан­­демиясе кешеләр сә­ла­мәт­легенә әйтеп бетергесез зыян китерде һәм китерүен әле дә дәвам итә, аларның гомерләрен өзә, яшәеш икътисадына һәм сыйфатына сизелер­лек йогынты ясый. Ковид-19 вакытында эшли алмауның урта­ча дәвамлылыгы 14 көн тәшкил итә, ә өзлегүләр килеп чыкканда 3-4 атна­га кадәр ­сузыла. Пред­приятиеләрдә хез­мәткәрләрнең күмәк авыруы зур икътисади югалтуларга – сәламәтлеккә зы­ян килүгә, эш урынын­да булмауга, хезмәт җитеш­терүчәнлеге кимүгә ките­рә, – ди ТР буенча Рос­пот­ребнадзор Идарәсенең Тә­теш, Буа, Апас районнары территориаль бүлеге начальнигы урынбасары Олег ­Мазюкин (фотода). 
Россиядә инде өч вакцина булдырылды, шуның ­икесе гражданлык әйләнешенә ­чыгарылды һәм алар белән вакцина ясау үткәрелә. 

Олег Алексеевич аңлата:

– “Гам-КОВИД-Вак”­  (“Спутник V”) – ком­бина­ция­ләнгән вектор вакцинасы Россия Сәламәтлек сак­лау министрлыгының Н. Ф. Гамалеи исемендәге эпидемиология һәм микробиология Илкүләм тикшеренү үзәге тарафыннан ясалган (11.08.2020 елда теркәлгән).  “ЭпиВакКорона” – ­пептид антигеннар нигезендә Роспотребнадзорның “Вектор” фәнни-тикшеренү ин­сти­туты тарафыннан эш­ләнгән вакцина (13.10.2020 елда теркәлгән). Вакцинаның икесе дә нә­тиҗәле һәм куркынычсыз, алар түбән реактегенлыкка ия, яхшы кичерелә һәм ки­рәкмәгән тәэсирләрне, өз­легүләрне булдырмый. Әлеге вакциналарны җитештерү өчен тере вирус кулланылмый. Дәүләт вакцинаның сый­фатын, куркынычсыз­лыгын гарантияли. 
Исегезгә төшерик, Ковид-19га каршы вакцина 18 яшь­тән өлкәннәргә ясала­ һәм барыннан да бигрәк 60 яшь­тән олырак затларга бил­геләнгән. Прививка 21 көн аралык белән 2 тапкыр ясала. 

– Вакцинадан соң имму­нитет икенче прививкадан­ 2-3 атна узгач барлыкка­ килә.­­ Вакцина чирләү кур­кы­­ны­чын киметә, авыр өз­ле­гү­ләргә, үлемгә юл куймый.­ Билгеләп үтәм, Ковид-19дан вакцина бушлай һәм үз телә­гең белән, медицина буенча каршылыклар булмаганда ясала, – диде районыбызның баш санитар табибы. 

2021 елның 27 апреленә Татарстанда барлыгы 234 053 кеше вакцина ясаткан, шуның 144 029ы икенче тапкыр прививка алган. Тәтеш районында 792 кеше прививка ясаткан. 
Вакцина ясатырга ТР Дәүләт һәм муниципаль хезмәтләр порталы, район хастаханәсенә мөрәҗәгать итеп язылырга мөмкин. Вакцина ясату һәм алу турындагы тулы мәгълүматны Роспотребнадзорның рәсми сайтында белеп була.