Аҗаганчылар ярышты

Район башкарма комитеты җитәкчесе урынбасары На­талья Николаева уенда катнашучыларга сәламләү сүзләре белән мөрәҗәгать итте. 

– Сезнең күбегез – Ватан­ның булачак сакчылары, үз Вата­ныбызның патриоты булу безнең барыбыз өчен дә бик мөһим, – дип басым ясады ул.

 
Район башкарма комите­тының мәгариф бүлеге начальнигы Гөлнара Кирилина кадет мәктәбе көчле рухлылар һәм үз-үзләренә ышанычлылар слеты урынына әйләнде, мәктәп укучыларының “Аҗаган” кысаларында үз белемнәрен, осталыкларын, башлангыч хәрби һәм спорт әзерлеге өлкәсендәге сәләтләрен тикшереп карау мөмкинлеге бар, дип билгеләп үтте. 
“Йөз таныкламасы” конкурсында командаларның тәкъдим итүе булды. 
“Сафта яхшы – ярышта көчле” этабында командалар сафка тезелеп йөрештә үз осталыкларын күрсәттеләр. Уку бинасы каршындагы мәйдан чын хәрбиләр урынына әверелде, аның буенча мәктәп укучылары хәрбиләрчә тигез итеп атлап үттеләр. Һәр команда сафка тезелү, урында борылыш ясау, бер сафтан икегә һәм кабат яңадан тезелү, сафта һәм аягурә басып йөрү алымнарын үтәделәр. 
Яшьләр шулай ук пневматик винтовкадан атуда ярыштылар. Аның барышын Тәтеш автомәктәбе начальнигы Александр Колсанов шәхси тикшереп торды һәм атучыларның күбесе югары нәтиҗәләр күр­сәттеләр, дип уртаклашты.    
Очрашу эстафетасы тиз һәм төгәл узды. Алтынчы этап аеруча дә җәлеп итәрлек булды, катнашучылар анда автоматны тулы һәм тулы булмаган килеш сүтеп-җыю осталыгында вакытка ярыштылар.
“Сәламәт тәндә – сәламәт рух” этабы да әһәмияткә ия булды, анда егет-кызлар аркылы борыста, кулга таянып гәүдә белән күтәрелүдә көч күнекмәләрен күрсәттеләр. Ярышларда шулай ук вакытка карап противогаз кию осталыгы таләп ителде. “Тарихның хәрби битләре” дигән конкурс сынавында аҗа­ганчылар Бөек Ватан сугышы тарихына багышланган 53 сорауга җавап бирделәр, ә стена газетасы конкурсында иҗади сәләтләрен күрсәтә алдылар.  
Уенның оператив штабы секретаре, өстәмә белем бирү үзәге директоры Вероника Понедельникова билгеләп үткәнчә, ярышның барлык тугыз этабында балалар бердәм­лек, күмәклек, ярдәмгә килү, берләшү, түземлек, психологик ныклык, тәртип һәм бер-берең­не аңлау кебек күркәм сыйфатларын күрсәткәннәр. 
Ярыш көне нәтиҗәсендә беренче лигада Тәтештәге 2нче урта мәктәп командасы ышанычлы рәвештә җиңү яулады, икенче урында – Алабирде урта мәктәбе укучылары, алдынгылар өчлеген олытарханлылар йомгаклады. Икенче лигада Тоншерма мәктәбе укучылары иң яхшылар булдылар, Бакырчы мәктәбе командасы алардан бик азга гына калышып икенче булды, Богдашкино төп мәктәбе укучылары өченче урынны алды. Җиңүчеләр дипломнар, күчмә кубок һәм сертификатлар белән бүләкләнделәр.