9 декабрь – Ватан Батырлары көне

(Тәтеш,  9 декабрь, Тәтеш таңнары). Район башлыгы Рәмис Сафиуллов район халкына һәм ветераннарына мөрәҗәгать итә: “Бу көнне без бөек дәүләтне ныгытуга үзләренең батырлыклары белән йогынты ясаган, Ватанга эчкерсез хезмәт иткән кешеләргә хөрмәт белдерәбез. Хөрмәтле Ватан Геройлары фронтта, тылда һәм тыныч вакытта күрсәткән каһарманлык һәм фидакарьлегегез, бары тик яшьләргә  генә түгел, шулай ук барлык буыннарга  күрсәткән ватанпәрвәрлек үрнәгегез өчен сезгә рәхмәт белдерәм. Батырларга җитешлек, иминлек, сәламәтлек телим”.