Алабирде китапханәсендә коррупция ха­кында сөйләшү уздырылды

(Тәтеш,  16 декабрь, Тәтеш таңнары). Алабирде китапханәсендә коррупция ха­кында сөйләшү уздырылды.

Китапханәче Чулпан Нигъ­мәтуллина Халыкара коррупция белән көрәш көне уңаеннан китап укучылар өчен “Коррупция – дәүләткә куркыныч тудыра” дигән чара үткәрде.

Ул төрле елларда коррупция белән ничек көрәш алып барылу турында сөйләде, шулай ук Россиянең коррупциягә каршы хәзерге канун үзенчәлекләре белән таныштырды. Чара кысаларында ясалган стенд та катнашучыларда зур кызыксыну уятты, анда коррупциягә карата мисал итеп китерелгән күренешләр һәм аның белән көрәшү кагыйдәләре яктыртылган иде.