Алар яшьләрне укытырга, эшкә урнаштырырга әзер

(Тәтеш, 14 декабрь, “Тәтеш таңнары”). Агрофирма җитәкчесе Рима Сафиуллова чараны оештыручы буларак чыгыш ясады. 

– Без авылның уңышлы киләчәге белән кызыксынган һәм яшьләрне авылда калдырудагы мөһим эшкә үз өлешен кертә алган кешеләрне җыйдык. Авылда хезмәт беркайчан да җиңелләрдән булмады, моны күпләр бик яхшы белә. Авыл халкы кырда ничек итеп урак һәм чалгы белән эшләүләрен, фермада сыерларны кул белән савуларын хәтерлидер, вакытлар үтү белән хезмәт шартлары яхшырды, авыл хуҗалыгы техникасы барлыкка килде. Бүгенге уңышлы авыл хуҗалыгы икътисадына фәкать югары җитеште­рүчәнлекле хезмәт базасын булдырып кына ирешергә мөмкин. Моның белән беррәттән авыл хуҗалыгы ­производствосын техник яктан яңадан бае­тыр­га һәм тулыландырырга кирәк. Хуҗалыкларда куәтле техникалар эшли, яңа җайланмалар белән терлекчелек биналары төзелә, цифр­лы технологияләр кертелә. Хезмәт шартлары  тагын да уңай­лырак була бара, шулай да районда, безнең авыл хуҗалыгы предприятиесендәге кебек, белгечләр һәм хезмәт­кәрләр җитмәү кытлыгы күзә­телә. Үзләренең һөнәрләрен авыл хуҗалыгы производствосы эшчәнлеге белән бәйләргә теләгән яшьләрнең махсус уку йортларында белем алуына түләргә, ә инде алар диплом алгач, аларга үзебездә эш тәкъдим итәргә без әзер. Агросәнәгать комплексы хезмәткәрләренең эшен киң җәелдерергә кирәк, моңа барысы да кушылырга тиеш, дип уйлыйм. Һәркемгә таныш булган “Кайда туган, шунда кирәге чыккан” дигән гыйбарә авыл җирлегендә туып-үсүчеләр өчен тормышка ашсын иде, – диде Рима Гомәр кызы.  

Сөйләшү чәй өстәле янында җылы әңгәмә рәвешендә барды, анда хезмәт ветераннары колхозда эшләгән елларын искә төшерделәр, “Колос” белгечләре предприятиенең соңгы вакытлардагы эшчәнлеге турында сөйләделәр, хезмәткәрләрнең хезмәт хакы күләмен, социаль һәм этәргеч ясаучы түләүләрне әйтеп үттеләр, киләчәккә планнары белән уртаклаштылар. 

Һөнәри юнәлеш ярдәм итәчәк
Педагогика хезмәте ветера­ны Лариса Сергеева җирлек мәк­тәбендә җитәкчелек иткән елларындагы һөнәри юнәлеш тәҗ­рибәсе белән уртаклашты.
– Без укучылар белән кырга, фермага экскурсиягә бара, авыл хуҗалыгы производствосы алдынгыларын үзебезгә сыйныф сәгатьләренә чакыра идек. Шушы юнәлештә расланылган план буенча эшләдек, барлык белем бирү барышында авыл хуҗалыгы тармагы вәкиленең уңай ягын булдыру күренеше гәүдәләндерелде. Әле тагын шундый кызыклы тәҗрибә бар иде – Марат Галимҗанович Фазлыев авыл хуҗалыгы техникумы директоры булган чакта, Урюм, Килдеш, Киртәле һәм безнең мәктәпнең 10нчы сыйныф укучылары атнага бер тапкыр Тәтешкә бару, анда алар өчен эшләнгән план буенча махсус фәннәр алып бару, кайнар аш белән туклану оештырылган иде. Кичәге мәктәп укучыларының ничек итеп укуларын дәвам итүләре һәм туган авылларында калулары турындагы күрсәтмәле мисаллар да булды. Шундыйларның берсе – Килдеш мәктәбен тәмамлаучы Сергей Исаев “Колос”та икътисадчы булып эшли. Балаларга туган якка мәхәббәт хисләрен һәм аны үз хезмәтең белән яхшырак итәргә омтылуны мәктәпкәчә яшьтән үк тәрбияләргә кирәк. 

Технологияләр хезмәтне  җиңеләйтә
Чарада катнашучылар өчен алдынгы авыл хуҗалыгы предприятиесенең машина-трак­тор паркына һәм товар­лыклы-сөтчелек фермасына экскурсия оештырылды. Аг­ро­фир­ма җитәкчесе урынбасары Ранис Мәүлиханов хез­мәт­кәрләрнең нинди куәт­ле техникаларда һәм җай­лан­маларда эшләүләре турында сөйләде, үсемлекчеләктәге һәм терлекчелектәге югары күр­сәткечләрне билгеләп үтте.  

Флюра Шәрәева җирле авыл хуҗалыгы предприятиесе фер­масында кырык елдан күб­рәк эшләгән, анда унҗиде яшьлек кыз чагында урнашкан булган. Тәҗрибәле терлекчегә ху­җа­лыкның үткәнен һәм хә­зергесен чагыштырырлык әй­берләр бар.  

– Монда нәрсә әйтеп була, җир белән күк аермасы ди хатын-кыз. – Элек эшкә иртәнге сәгать дүрттә йөрдек, минем карамакта 18 сыер бар, кул белән сава идек, саламны үзебез ташыдык, печәнне үзебез тараттык, тиресне дә үзебез чис­тарттык. Авыр вакытларны да кичердек – азык җитми, хезмәт хакы тоткарлана иде. Ә инде яңа җитәкче Рәмис Хатыйпович килгәч, эшләр яхшыга таба китте. Ул безгә: “Бераз сабыр итегез, барысы да башкача булачак”, –  дип әйтә иде, һәм без ышандык, яхшыга өметләндек. Шулай булып чыкты да, сөт үткәргеч ясадылар, ул чакта могҗизага тиң булды, чиләк белән сөт ташуга караганда җиңел әлбәттә, яңа җайланма урнаштырдылар, эш барышын механикалаштырдылар. Хезмәт хакы яхшырды, югары күрсәткечләр өчен премия бирделәр, шифаханәгә түләүсез ял итәргә җибәрделәр, республиканың авыл хуҗалыгы һәм азык-төлек министрлыгыннан бирелгән грамоталарым да бар. Сыер савучы булу абруйлы иде. Әгәр чирләмәгән булсам, әлегә кадәр эшләгән дә булыр идем. Менә хәзер ферманы карадым да, йөрәгем сызып куйды – кабат барысы да яңача, җылы, якты, тирә-як чиста, торган саен яхшырганнан яхшыра бара, мондый шартларда эшләү үзе бер рәхәт, әлбәттә. Күрелгәннәрдән чыгып шуны әйтә алам, үзем­нең хезмәттәшләрем өчен бик ­шатмын. 

Жуково авылы җирлеге башлыгы Наталья Борисова авыл кешеләренең фикере белән килешә. 
– Безнең җирлектә хезмәт сөючән кешеләр яши, – ди ул, ышанычлы итеп. – Аларның күпче­леге җирле авыл хуҗалыгы пред­приятиесендә эшли, алар яхшы хезмәт хакы алалар, гаи­лә­ләрен тәэмин итәләр, бала­лар үстерәләр, игенчеләр, тер­лекчеләрдән торган тулы бер династияләр бар. Хәзерге балалар киләчәктә бәхет эзләп читкә чыгып китмәсеннәр, ә үзләренең әти-әниләренең туган җирләренә кирәкле булу тра­дицияләрен дәвам итсеннәр иде.