Авыл хуҗалыгы эшләре имин булырга тиеш

(Тәтеш, 15 июль, “Тәтеш таңнары”). 

– Мондый участок­лар­ның торышы кеше­ләр гомеренә һәм сәла­мәтлегенә куркыныч тудыра, – дип кисәтә Россия гадәттән тыш хәлләр министрлыгы Баш идарәсенең ТР буенча Кама Тамагы һәм Тәтеш районнарының дәүләт янгын күзәтчелеге бүлеге өлкән инспекторы Роман Горбунов.

Белгеч авыл хуҗа­лы­гы товарлары җитеш­те­рүчеләргә, җир кишәр­лек­ләре милекче­ләренә, җирдән файдаланучыларга, җир хуҗаларына һәм җир кишәрлекләрен арендалау­чыларга авыл хуҗалыгы билгеләнешендәге җир­ләрдә янгын куркы­ныч­сызлыгының мәҗбү­ри та­ләп­ләре хакында искә төшерә.

– Югарыда санап үтел­гән гражданнар авыл ху­җалыгы җирләрен чүп үлән­нәреннән саклау һәм печән чабуны вакытында уздыру буенча чаралар күрергә тиеш, – ди ул. – Алар чүп-чарны һәм үләнне даими рәвештә чистартып торырга, корыган үләннәрдән, игенне җыйганнан калган һәм камыл калдыкларын, корыган ботакларны, чүп-чарны һәм башка ягулык материалларын урманнан 10 метрдан да ким булмаган киңлектәге полосада чистартырга, яисә 0,5 метр киңлектәге яки янгынга каршы башка төрдәге каршылыклар белән урманны бүлеп куярга; янгынга каршы су чыганагы булган янгын гидрантларының һәм резервуарларының төзеклеген, шулай ук елның теләсә кайсы вакытында янгын техникасы керү һәм су алу мөмкинлеге булуны тәэмин итәргә; янгын щитларын беренчел янгын сүндерү әйберләре белән комплектларга тиешләр.

Авыл хуҗалыгы эшләре барлык хезмәтчәннәр белән янгынга каршы инструктаж үткәрүдән башланырга тиеш. 

Авыл хуҗалыгы билге­ләнешендәге җирләрдәге һәм запас җирләрдәге корыган үләннәрне, камылны, игеннәрне җыеп алганнан соң калган калдыкларны яндыру, кыр-басуларда учак кабызу катгый тыела.

Бөртекле культураларны урып-җыйганда һәм азык әзерләү вакы­тында тыела: махсус җиһаз­ландырылмаган урыннар­да тәмәке тарту, икмәк массивларында һәм алар янында, шулай ук печән һәм салам эскертләре янәшәсендә ачык ут кулланып эшләү; төзек булмаган урып-җыю агрегатларын һәм автомобильләрне эштә куллану. 

Урып-җыю агре­гат­ла­рының һәм автомо­биль­ләрнең радиаторларындагы тузанны паяль лампалары яисә башка ысуллар белән яндырырга; урып-җыю агрегатларын һәм машиналарын янгын сүндерү әйберләре белән җиһазландырылган һәм төннәрен яктыртылган махсус мәйданчыклардан  читтә, кыр шартларында заправкаларга ярамый.

Җайланмалар, урып-җыю агрегатларының, ма­шиналарның башка узеллары һәм әйберләре тузаннан, саламнан һәм ашлыктан чистартылырга тиеш.
Предприятие җитәкчесе урып-җыюда катнашкан кешеләр белән янгынга каршы инструктаж үткәрүне оештыра, эшкәртелгән газларны нейтральләштерү системасын куллану очракларыннан тыш, урып-җыю агрегатларын һәм автомобильләрне берен­чел янгын сүндерү әйберлә­ре һәм төзек хәлдәге очкын сүндергечләр белән ­тәэмин итә.

Янгын күзәтчелеге бел­­­гечләре янгын ­чыгуны күргән вакытта граж­дан­­нарга кешеләрне эва­ку­а­цияләү, янгынны сүн­дерү буенча көченнән килгән кадәр чаралар кү­рергә һәм шунда ук 101 (кә­рәзле), 01 (шәһәр) телефоны буенча янгын каравылына шалтыратырга киңәш итә.