Бәла-казаны ничек булдырмаска

Гәрчә әлеге уңайлы­лык артында мөм­кин булган хәвеф-хәтәр ята: газ җай­лан­­маларын куллану кагый­дәләренә битараф карау фаҗигале нәтиҗәләргә ки­терергә мөмкин.

Бәла-каза кайдан чыга?
“Буа газы” ЭПУның Тәтеш РЭГХ началь­нигы Илнур Мөхәммәдиев әйтүенчә, газ исе белән агулануның һәм башка вакый­галарның төп сәбәпләре түбәндәгеләр белән бәйле:
•     газ приборларын куллану кагыйдәләрен бозу;
•     җилләтү каналлары начар торышта булу;
•     биналарны законсыз үзгәртеп кору;
•     җайланмаларның ис­керүе;
•     газ җайланмаларын үз белдеклегең белән тоташтыру яки төзекләндерү;
•     ремонт ясаганда, яңа кухня җиһазлары урнаштырганда җилләтү системасын ябу;
•     газ җайланмалары булган бүлмәләрне йокы һәм ял итү өчен куллану;
•     һава килүгә тоткарлык ясаучы герметик тәрәзәләр урнаштыру;
•     газ җайланмаларын антисанитар халәттә тоту.
Төтен юлларының һәм җилләтү ка­нал­ларының тиешле торышы өчен идарә итүче компанияләрнең җавап­лылыгын да онытырга ярамый.

Техник хезмәт күрсәтү – иминлек нигезе
Газ казаннары, колонкалары һәм пли­тәләре – югары куркынычлылыктагы җай­ланмалар. Теләсә нинди төзексезлек бәла-каза сәбәпчесе булырга мөмкин. Даими техник хезмәт күрсәтү фаҗигадән сакланырга ярдәм итә.

Планлы техник хезмәт күрсәтүгә нәрсәләр керә? 
Тәтеш РЭГХ белгечләре елга бер тапкырдан да ким булмаганча хезмәт күрсәтү үткәрәләр. Моңа түбән­дәгеләр керә:
•     газ белән тәэмин итү системасында газ чыгу ихтималын тикшерү;
•     җилләтү каналындагы һава агымын контрольдә тоту;
•     җайланманың барлык төрләрендә газ яну барышын көйләү;
•     горелканы корымнан чистарту;
•     көнкүрештә газдан куркынычсыз файдалану буенча инструктаж.

Техник хезмәт күрсәтү өчен кем җаваплы?
Закон буенча газ прибор­ларының кур­кынычсыз­лыгы һәм дөрес кулланылышы өчен торак милекче­ләре җаваплы. Ләкин җайлан­маның торышын мөстәкыйль тик­шерергә кирәк түгел: хуҗа махсуслаштырылган оешма белән техник хезмәт күрсәтү турында килешү төзергә бурычлы.

Хезмәт күрсәтүдән баш тарту нәтиҗәләре
Ни аяныч, барлык милек­челәр дә белгечләр­не торакка кертүнең мөһимлеген аңлап җиткерми­ләр. Бу җитди куркыныч тудыра:
•     җиһазны үз белдеклегең белән алыштыруны яки законсыз үзгәртеп коруны ачыклау мөмкин түгел;
•     газ чыгу һәм башка хә­вефле хәлләр килеп чыгу куркынычы арта.

Газ җайланмалары күпме эшли?
Куллану вакыты прибор­ның паспортында күрсәтелә һәм гадәттә 10 – 15 елны тәшкил итә. Шул ук вакытта, сак куллану һәм даими техник хезмәт күрсәтү очрагында, плитә озаг­рак та эшләргә мөмкин.
Вакыты чыккач, түбәндә­геләрне эшләргә кирәк:
1.     Җайланманың торышын тикшерү өчен лицензияле оешмага мөрәҗәгать итәргә.
2.     Диагностика нәтиҗә­сендә карар кабул итәргә: җайланманы алыштырырга яки куллануны дәвам итәргә.
3. Чираттагы хезмәт итү вакыты тәмам­лангач, процедураны кабатларга.

Үзегезне һәм якыннарыгызны саклагыз: куркынычсызлык кагыйдәләрен үтәгез һәм планлы тикшерүләр үткәрүгә тоткарлык ясамагыз!

фото: архив/Авангард