Байрашлылар ышаныч белән яши

Суэтем башнясы мәсьәләсе хәл ителгән, зиратны коймалап алганнар. Агымдагы ел планында - коеларны, җирлек эчендәге юлларны ремонтлау.

Байрашлылар янгын сүндерү машинасы булмавына борчылалар, ирек­ле халык дружинасы хакында да сүз булды. Алар сөтнең сатып алу бәясеннән (16 сум) канәгать түгелләр, аны Апас районыннан килеп җыючы билгеләгән һәм вакытында хисаплашмый да икән.

Ә халык фельдшер Василә Нигъмәтуллина эшеннән канәгать булу­ын белдерде.

"Яңа юл" ҖЧҖ җитәкчесе Рифхать Заһидуллин хуҗалыкның узган елгы эшчәнлеге нәтиҗәләрен бәян итте. Хуҗ­алыкта - төп продукция сөт. Шикәр чөгендере уңышы да үзен аклаган. Эшчәннәргә де­кабрь ае өчен хезмәт хакы түләнгән. Узган ел эш шартлары яхшыртыл­ган, ашлык склады, техника өчен җылы ике гараж төзелгән, сыер абзары ремонтланган. Терлекләр өчен мегаферма, фураж склады белән катнаш азык мини-заводы, ашханә төзү планлаштырыла. Килә­чәктә терлекчелекне һәм игенчелекне җәелдерү авыл халкын өстәмә эш урыннары белән тәэмин итәргә мөмкинлек бирә­чәк.