Дуңгызлар чумасы теркәлгән

(Тәтеш, 20 март, “Тәтеш таңнары”). 

– Россия Федерациясе территория­сендә дуңгыз­ларның африка чумасы таралуга чаралар кулланып торылуына карамастан, чир дәвам итүнең сәбәпләрен анализлау нигезендә, суелган дуңгыз­ларны, суйгачтын алардан алынган чи продуктларны, йорт кошларын һәм билгесез рәвештә барлыкка килгән кошчылык продукцияләрен законсыз күчереп йөртү һәм тикшерүләрсез сату (шул исәптән ял көннәрендә табигый базарларда һәм ярминкәләрдә), хайван­нарның әлеге һәм ­башка куркыныч чирләре буенча эпизоотик хәлне тот­рыкландыруга комачаулый торган факторлар булып тора, – дип хәбәр итә Россельхознадзор Идарәсенең ТР буенча дәүләт инспекторы Гөлнара Арсланова. – Шулай ук җаваплылык зонасында кыргый кабан дуңгызлары исәбен җайга салу (ки­метү) буенча нәтиҗәле эшләмәү; дуңгызларның объектив исәбе булмау, аларны ябып тотмыйча асрау, шәхси ярдәмче хуҗалыкларда, крестьян (фермер) хуҗалыкларында һәм башка вак-төяк дуң­гызчылык хуҗалык­ла­рында дуңгыз­ларны йорт хуҗалыкларында сую, шулай ук шундый хуҗа­лыкларда асрала торган дуңгызларга зарарсызландырылмаган азык калдык­лары һәм дуңгызларның африка чумасының табигый очкыннары булган территорияләрдә (ягъни ДАЧ вирусын таби­гатькә тарату зонасында) җитеш­тергән кыргый кабан түш­кәләрен эшкәрткәннән калган продуктларны ашату  һәм башкалар. 

Шуңа бәйле, дуңгызлар асраган шәхси ярдәмче хуҗалыкларның хуҗа­ларына дуңгызларның аф­рика чумасы таралуны булдырмас өчен, профилактик чаралар үткәрү турында истә тотуларын үтенеп мөрәҗәгать итәбез. Ведомство белгечләре искә төше­рәләр, дуңгыз­лар чирләгәндә һәм үлем очрак­лары булганда, бу хакта ки­чекмәстән рай­онның дәүләт ветеринария хезмәтенә хәбәр итәргә кирәк.