Эш үзара аңлашуга һәм ышанычка нигезләнә

(Тәтеш, 12 июнь, “Тәтеш таңнары”). 

Авыл хуҗалыгы предприятиесенең товарлыклы-сөтчелек фермасы мөдире Әдип Җаббаров районның терлекчелек тармагында 46 ел хезмәт куя.
– Хәзерге вакытта ферма эшчәннәренә күпкә җиңелрәк, төп хезмәт техникага төшә. Җайланма, сөт үткәргеч, савым залы бар, анда берьюлы 40 сыерны саварга мөмкин. Матди-техник базаны ел саен яхшыртырга тырышабыз, хәзерге вакытта буаз сыерлар һәм ташлаткан сыерлар бүлекләре өчен яңа терлекчелек бинасы төзүне алып барабыз, бары тик түбәсен һәм диварларын гына корасы калды. Бездә азык җитә, артык итеп хәстәрләп куелганы да бар. Ферма коллективы тотрык­лы, тырышып эшлиләр. Миңа эшем ошый, сөтчелек продукциясен җитештерүнең барлык барышын бик яхшы беләм, кешеләр барысы да үзебезнекеләр, якыннар кебек, барысы белән мөнәсәбәтләр әйбәт, үзара аңлашу һәм ышаныч бар, – дип уртаклаша Әдип Җаббаров.