Гражданнар җыелышы: Льяш авыл җирлеге

(Тәтеш, 29 январь, “Тәтеш таңнары”). 

Льяш авыл җирле­генең гражданнар җы­е­лышында Тәтеш районы башлыгы Рәмис Сафиуллов катнашты.
– Безнең ­авыллар кеше исәбе буенча зур түгел, әмма аларда шә­һәр тормышына кызыкмыйча, үзләренең кече ватаннарында яшәр­гә һәм эшләргә калган кешеләр яши. Һәр җир­дәге кебек, бездә дә үз уңышларыбыз, кайчак­ларда көндәлек хәлит­кеч карарлар кабул итүне таләп иткән үз проблемаларыбыз бар, – диде Льяш авыл җирлеге башлыгы Ирина ­Тихонова.   

“Маяк” авыл хуҗа­лыгы ­предприятиесе терри­то­рияләрдәге үләннә­­р­­­не чабу, юлларны кардан чистарту кебек шундыйрак күпчелек хуҗалык мәсьәләләрен хәл итүдә булыша. Шулай ук “Р. Р. Зәйнуллин” һәм “Ф. М. Җәләлиев” КФХ җитәк­челәре мәдәни-күмәк чаралар уздырган вакытта иганә ярдәме күрсәтәләр. 

– Үзара салым программасы буенча җыелган акча авыл юлларын ремонтлауга, урам яктырткычларын һәм су белән тәэмин итүне карап тотуга, коелар ясауга, урамнарны чистартуга, коммуналь эттергеч сатып алуга сарыф ителде, – дип хәбәр итте җирлек башлыгы. – 354 метр юл вак таш өслекле итеп ясалды: Олы Бисәрдә – 282, Льяштә – 72 метр. Шулай ук Льяштә “Авыл территорияләрен комплекслы үстерү” программасы буенча 148 метр юлга вак таш түшәлде. Агымдагы ел ­планында – 381 мең сум акча җыю һәм җирлекне алга таба төзек­ләндерү буенча эшләр­не дәвам иттерү. Льяш авылында зиратны, һәйкәл территориясен тәртипкә китерергә кирәк.

Җирлек башлыгы уртак эшкә өлеш керткән­нәре өчен киң күңелле авыл кешеләренә рәх­мәт белдереп, ел дәва­мын­да башкарылган эшләр турында сөйлә­де. Откан грантка һәм рай­онның финанс бу­лыш­­лыгы ярдәмендә җирлек­нең ихтыяҗы өчен трактор сатып алын­­ган. Хәзер җирлек тер­рито­риясендәге кайбер зур мәсьәләләрне мөстәкыйль рәвештә хәл итеп була. 
– Бары тик бердәм­ләшеп, бары тик бер бәй­ләм булып кына уңышлы нәтиҗәләргә ирешергә мөмкин! – дигән канатлы сүзләр белән тәмам­ла­ды докладын Ирина ­Тихонова.