Җирне түләүсез рәсмиләштереп була

(Тәтеш, 11 март, “Тәтеш таңнары”).

– 1995 елда җир кишәрлеге сатып алган идем, ләкин аны әлегә кадәр тер­кәгәнем юк. Хәзер моны түләүсез эш­ләргә мөмкин дип ишеттем. Бу хакмы? 
Александр М.

Сорауга ТР Тәтеш районының милек һәм җир мөнәсәбәтләре палатасы рәисе Сергей Павлушин җавап бирә: 
– Әйе, чынлап та, 1998 елга ка­дәр сатып алынган җир ки­шәр­леген бөтенләй түләүсез тер­кәргә мөмкин. Авыл кешеләре хокукны билгеләүче документлары булган вакытта яшәү урыны буенча авыл җирлеге башкарма комитетына, шәһәрдә яшәүчеләр шәһәр башкарма комитетына мөрә­җәгать итә һәм хосусый милекне теркәүгә Росреестрга гариза тапшыра алалар. Шулай ук күп функцияле үзәккә мөрәҗәгать итәргә мөмкин. Үзең белән җир кишәрлегенә милек хокукын раслаучы документ, паспорт, СНИЛС булырга тиеш.