Ит һәм игенгә сорау зур булды

(Тәтеш, 27 апрель, “Тәтеш таңнары”). Шимбә көнне район мәдәният йорты бинасы каршындагы мәйданда язгы авыл хуҗалыгы ярминкәсе үтте.

Районның авыл хуҗалыгы товар җитеш­те­рүчеләре һәм авыл җирлекләре үзләренең про­дукцияләрен тәкъдим иттеләр. Район кешеләренең ит, балык, сөт продукциясе, ашлык, җиләк-җимеш агачы үсентеләре, яшелчәләр һәм башка товарлар сатып алу мөмкинлеге булды.
Гадәттәгечә ит һәм игенгә сорау аеруча да зур булды. Шулай итеп, бодайны – килосын 15 сумга, арпаны килосын 13 сумга ­саттылар. 
“Маяк” авыл хуҗалыгы предприятиесе, Килдеш авылы җирлеге, “Н. А. Железнов” КФХ авыл хуҗалыгы ярминкәсендә актив катнашканнары өчен Дипломнар һәм акчалата премияләргә лаек булдылар.
Районның авыл хуҗалыгы һәм азык-төлек идарәсе мәгъ­лүматлары буенча, ярминкәдә 50 тонна ашлык сатылган.