Изгеләндерелгән су – яхшыга ышаныч уята

(Тәтеш, 20 январь, “Тәтеш таңнары”). Тәтештә бәйрәм көнендә шәһәрлеләр үзәк буа ярына җыелды, анда махсус су коену урыны барлык иминлек чараларын үтәп ясалган иде.  

Район башлыгы Рәмис Сафиуллов җыелучы­лар­ның барысын да бәйрәм белән котлады.
– Хач ману – якты һәм зур бәйрәм, – диде ул. – Сез­гә һәм гаиләләрегез­гә, якын­на­рыгызга нык сә­ламәт­лек телим. Барлык бәхетсезлекләр сезне читләтеп үтсен, кү­ңелегез тыныч булсын. Имин­лектә, бәхеттә, шат­лык­та, җитешлектә яшәгез.   

Троицк чиркәвенең дин әһеле протоиерей Валентин Кострин үзенең мө­рәҗәгатендә болай дип билгеләп үтте:
– Йола буенча ­Крещениега суны чир­кәү изгелән­дерә, һәм сез үзегез өчен Ал­лаһы­ның ризалыгын, сәла­мәтлегегезне ­ныгыта алу мөмкинлегенә ия. Йөрәкләребездә ихлас ярату урын алсын иде. Аллаһны һәм бер-беребезне ярату белән барлык кыенлыкларны җиңеп чыгачакбыз, тормышыбыз тагын да ­яхшырачак. 

Быел махсус җиһазлан­дырылган су коену урынында догалар кылып суга чумучылар арасында яшьләр аеруча да күп иде. 

Гражданнарны яклау көллияте укучылары бер-берләренең судан чыгуын көтеп алдылар һәм үзләренең дусларына кайгыртучанлык күрсәтеп, сөлгеләр биреп тордылар. 

– Крещениедә инде бер­ничә елдан бирле коенам, судан чыккач, гадәттән тыш иркенлек хисләре барлыкка килүен тоясың, – дип уртаклашты Ксения Зайцева. 

Көллият курсантлары Александр Бударин, Егор Филиппов, Руслан Галиуллин Хач мануда инде өченче ел күңелләрен сафландыруларын, суга чумып алганнан соң бөтенләй дә туңмауларын һәм палаткага җылынырга ашыкмауларын, дусларының ничек итеп суга чумып алуларын карап торуларын билгеләп үттеләр.

Шәһәрле ­Надежда Ду­менко Хач ману бәй­рәмендә суга инде ун­би­шенче ел керә икән. Из­геләндерелгән су гө­наһ­ларны юмаса да, аның каравы рух күтәренкелеге өсти, яхшыга ышаныч уята, дип саный.   

Буада кешеләрнең имин­леген ­кайгырту ­максатларында га­дәт­тән тыш хәлләр һәм ­ме­дицина хез­мәт­кәр­ләре ­дежур тордылар, чи­ше­неп-­киенү өчен җы­лыт­кычлы палаткалар җиһаз­ландырылган иде, шәһәр­дәге белем бирү учреждениесендәге поварлар теләге булган һәркемне тәмле камыр ризыклары һәм хуш исле чәй белән сыйладылар.