Келәшлеләр "Федоровка трактирында" булдылар

Утыны "дөрләп янган" мич һәм хуш ис бөркеп утырган чуендагы өреле кәбестә ашы игътибарны җәлеп итте. Менә кунакчыл хуҗабикә килеп керер дә, тәм-том куелган, самавыры кайнап торган табынга чакырыр сыман.

Ә шау-гөр килеп ял итәргә яратучылар "Федоровка трактиры"на килә алалар, анда алар өчен авыл ризыгы, төрле камыр ашлары һәм хәзерге заман салатлары белән бай өстәл әзерләнгән. Федоровкалыларның аш-суга осталыклары гына түгел, ә иҗат эшләре дә сокландырды.

Татьяна Мавринаның би­зәкләп эшләнгән ачык төстәге пинеткалары бә­ләкәчләрнең аякларына алып кигезгәнне көтәләр кебек, Татьяна Падучеваның нәфис сарафаны теләсә кайсы яшь туташка килешерлек, ә Любовь Иванованың чуклы кызыл шәлен иңенә салудан бер хатын-кыз да баш тартмас иде.

Мәктәп укучылары да төрле әйберләр әзерләгәннәр.

Авыл халкының иҗат офыклары шактый киң: биредә Андрей Денисовның пейзажлары урын алган, Кристина Си­дорова хәзер модада булган "декупаж" техника­сында эш-ли, Софья Власованың "квиллинг" стилендә күк төсендәге хатын-кызлар эшләпәсе атлас кебек ялтырый, ә бит ул гади кәгазьдән эшләнгән, Наталья Прутскова фото­рәсемнәрендә туган ягын үзе күргәнчә чагылдырган.

Күргәзмә искиткеч иде, әмма тамашачыларның барыннан да бигрәк күршеләре - келәшлеләр концертын карыйсылары килде.

Беренче чыгышта ук - Келәш мәдәният йорты директоры Альмира Хатыйпова җырыннан соң - алып баручылар Фә­һим Галимов һәм Тамара Фуражк­иналарның: "Бер-берегезгә һәм чыгыш ясаучыларга яхшы мөнәсәбәтегезне белде­рүдән оялмагыз" дигән киңәшен тотып, тамаша­чылар җырчыны көч­ле алкышлар белән бүләкләделәр. Кино­фильмд­агы танылган җыр көенә "Подснежник" коллекти­вы башкарган дәртле бию кәефләрне шулка­дәр күтәреп җибәрде ки, җырга бөтен зал кушылды.

"Асылъяр", "Черемуха" вокаль ансамбльләре, җырчы Павел Добров лирик хис-тойгылар уяттылар, Ирина Ванямованың "Живите, любите" җыры күңелләрне күтәреп җи­бәрде, ә "Кояшкай" коллективы һинд биюе белән ритмик тән хәрәкәтләре ясау осталыгына, гүзәллеккә, нәфислеккә соклану мөмкинлеге бирде.

"Сез барыбызны да ихластан сөендердегез, - диде концертка кагылышлы уртак фикерне белдереп, район Советы аппараты җитәкчесе Людмила Абрамова, - Май чабу бәйрәме өчен аерым рәхмәт, сез ачык һәм гармонияле композиция тудырдыгыз".