Хәтта уч төпләре “янган”

(Тәтеш, 6 май,  “Тәтеш таңнары”).

Тамара Яшукова җитәкче­легендәге “Атлантида” хатын-кызлар клубының вокал төркеме чыгышлары белән киртәлеләрне инде ничәнче тапкыр сөендерә. Аларның җырларын тамашачылар һәрвакытта сокланып кабул итә. Шуңа күрә бу юлы да авылның мәдәният йорты залы үзешчәннәрнең концерт программасын карарга теләүчеләр белән тулы иде. Нина Новикова җитәкчелегендәге клуб үзенең 12 елдан артык эшләү тарихында киң танылу алды.

Концерт  башланыр алдыннан РПФның Тәтеш районында клиентлар хезмәте бүлеге начальнигы Ирина Большакова пенсия законнары турында кешеләрдә барлыкка килгән мәсьәләләр хакында сөйләде. Россия пенсионерлар Берлегенең Татарстан Республикасындагы җирле бүлекчәсе эше турында экранда тәкъдим ител­гән слайд-шоу авыл халкында зур ­кызыксыну уятты. 

Пәрдә ачылды һәм туган җир, Ватан турындагы җырлар күңел-ләрне әсир итте. Залда шулай ук балачаклары Бөек Ватан сугышына туры килгән, тыл­да батырларча хезмәт куеп Җиңүне якынайткан тамашачылар да бар иде. Вокалчылар сугыш авырлыкларын кичергән хатын-кызларга багышлап “Әнием вальсы” җырын башкардылар. Артистларның нә­закәтлелеге, ­кабатланмас та­выш-ларның бертигез яң­гы­ра­шы, матур костюмнар та­ма­ша­чыларның кәефен тагын да күтәрде. Зал шулай ук “Келуня” һәм “Чивгоня” ансамбльләренең дә милли матурлыгын, номерларын көчле алкышлар белән кабул итте.
“Атлантида” тамашачыларны үзенең репертуарына керткән берничә яңа җыр белән дә сөен­дерде. Галина Зотова белән Наталья Шарипова шаян ­тамаша күрсәтеп, рух күтәренкелеге өс­тәделәр. Ирина Большакованың җырлары һәркемнең күңеленә хуш килде.

– Чын күңелдән ял иттек! Безгә шатлык һәм яхшы кәеф бүләк иттеләр! Шигырьләр дә, җырлар да, без яшь чакта җырлаган җыр­лар да яңгырады, – дип уртаклашты Киртәле авылында яшәүче Тамара Гришкова. – Без рәхәтләнеп алкышладык, хәтта уч төпләре “янды”.

Биредә иҗади кешеләр яши
– Авылда өлкән буын кеше­ләрен иҗади һәм мәдәни-ял эш­чәнлегенең төрле алымнары белән җәлеп итү өчен барлык шартлар тудырылган, – ди Килдеш авылы җирлегенең ТР буенча башлангыч оешма рәисе Любовь Врясова. – Без  ТР буенча Россия пенсия Берлегенең Тәтеш бүлеге планы нигезендә “Актив озын гомерлеләр” программасы буенча эшлибез. Конкурсларда, фестивальләрдә, бәйрәм һәм истәлекле даталарга ба­­гышланган чараларда катнашабыз, халык сәнгатен киң җәел-
дерү, милли һәм мәдәни тра­дицияләрне саклау өстендә ­эшлибез.