Көн саен җитмешләп кеше кабул итәләр

Шәһәр һәм район авылларын­да яшәүчеләргә 30 марттан алып 10 апрельгә кадәр күчмә комплекста маммог­рафия узу мөмкинлеге бар.

Маммограф хезмәте “Дә­вам­­лы һәм актив тор­мыш” илкү­ләм проекты кы­са­ларында оештырылган.

– Маммография – ул сөт бизен рентгенологик тикшерү, яман шешләрне һәм башка пато­логияне бик иртә стадияләр­дә иң зур төгәллек белән диаг­ностикаларга мөмкинлек би­рә. Көненә без 70кә кадәр кеше­ кабул итәбез, алар, терапевттан юллама алып, дис­пан­сери­за­ция уза. Быел иң яшь диспан­серизацияләнүчеләр – 1986 елда туучылар, иң өл­кән­нәре – 1952 елда туучылар. Мам­мографияне барлык хатын-кызларга 40 яшьтән соң хәтта нинди дә булса борчулы билгеләр булмаганда да үтәргә киңәш ителә. Без снимокка төшерәбез, аларны Казанга җибәрәбез, анда аларга тасвирлама ясыйлар, аннары тикшерү нәтиҗәләре Тәтеш үзәк район хастаханәсенә кайта, – дип уртаклашты рентгенолаборант ­Ре­зидә Хәнәфи кызы.