Күпер вакытлыча ябылачак

(Тәтеш, 24 июль, "Тәтеш таңнары"). Хөрмәтле Тәтеш шәһә­рендә яшәүчеләр һәм кунаклар! Район башкарма комитеты хәбәр иткәнчә, 2020 елның 26 июленнән шәһәрнең  Горький урамындагы үзәк буа янындагы җәяүле күпере сүтелү һәм ремонт эшләре башлану белән бәйле вакытлыча ябылачак. Вакытлыча килеп туган уңайсызлыкларны аңлап кабул итүегезне һәм йөрү юлын алдан ук билгеләп куюыгызны үтенәбез.