Музейда туку станогы да бар

(Тәтеш, 24 сентябрь, "Тәтеш таңнары"). Зоя Кузнецова музей­ның алыштыргысыз җи­тәкчесе булып тора. Авылдагы уку йортының музей хезмәте туган як почмагыннан башланган. “Йорт буенча йөреп чыктык, өлкән буын кешеләре белән аралаштык, крестьян көнкүрешендәге әйберләрне, элекке елдагы фоторәсемнәрне җыйдык, йолаларны һәм гореф-га­дәтләрне өйрәндек”, – дип искә төшерә Зоя Алек­сандровна. Туку ста­ногы үзенчәлекле экс­понатларның беренчесе булган, аны Тоншермада яшәүче Анна Кузнецова тапшырган. Бүгенге көндә аны Долгая Полянадагы Молоствовлар утарында күрергә була. Дөрес, музей җитәкчесенә эшли торган тагын бер станок алу насыйп булган, хәзерге вакытта ул залда иң мөһим урыннарның берсен биләп тора. Мәктәп музеенда биш экспозиция: хәрби тематика, “Чуаш халкының мәдәнияте һәм көнкүреше”, “Мәктәп тарихы”, “Авыл тарихы”, “Тукучылык” бар, анда алты йөздән артык экспонат хисап­лана. “Чуашларның борынгы чигешләре һәм җирлектә яшәүче Петр Кузнецов тарафыннан авылдан ерак түгел генә табылган һәм музейга тапшырылган мамонтның казык тешләре – безнең горурлык. Тоншермадан Бөек Ватан сугышында катнашучыларга багышланган бүлек бар”, – дип сөйли Зоя Александровна. Мәктәп музее базасында балаларның туган якны өйрәнүче берләшмәсе эшли, биредә еш кына дәресләр уза, укытучылар экспонатларны күрсәтмә материал сыйфатында файдалана. Җирлектә яшәүчеләр, мәктәп укучылары, чыгарылышлар һәм авыл кунаклары – музейга килүчеләр булып тора: мәктәп базасында бер генә чара да экскурсиядән башка узмый.