Никольский Кырлангысы – җәлеп итү үзәге

(Тәтеш, 11 июнь, “Тәтеш таңнары”). Әлеге ике авыл Тәтеш районы картасында юк инде, ләкин анда туып-үсүчеләр илнең төрле почмакларыннан очрашуга кайтырга тырышалар.

Бүгенге көндә Буада яшәүче Владимир Пантелеев акчасына зират янәшәсенә беседка төзелгән, аның коймасы ясалган. Нәкъ тә шушы беседкада, зур табын янында, төрле буын кешеләре үзләренең якыннарын һәм авылдашларын искә алдылар, балачакларына кайтып килделәр.   
– Без үзебезнең изге урынга, якын кешеләребез җирләнгән урынга кайттык. Зиратның ничек үзгәргәнлегенә барыгыз да игътибар иткәнсездер, мөгаен. Моның белән тукталып калмаска, башланган эшне дәвам итәргә һәм ахырына кадәр җиткерергә кирәк, – дип мөрәҗәгать итте якташларына Владимир Пантелеев. – Кәшәнә каршысына эскәмияне Анатолий Путятинский ясады. Акча җибәрүче кешеләр дә бар, чөнки кайта алмыйлар. Без күп, әгәр авылыбыз урынын тәртипкә китерергә теләсәк, ул җәннәт почмагы булачак. 

Владимир Алексеевич киләчәккә планнары белән уртаклашты: быел ул мәктәп урынына кәшәнә куярга тели. 

Бүгенгесе көндә Самарада яшәүче Людмила Титова меценат Владимир Пантелеевка рәхмәт белдерде

– Никольский Кырлангысы – җәлеп итү үзәге, – дип билгеләп үтте ул. – Хатирә – ул изге. Хатирә юк икән, кеше дә юк, тарих та юк.