Профилактика кирәк

Аерым хуҗалыклар­ның һәм гражданнарның вакцина ясату, кан алу һәм терлекләрне иден­тификацияләү кебек мәҗ­бүри планлы-профилактик ветеринария чараларыннан читләшүе аеруча еш очрый.

– Планлы ветеринария процедураларыннан баш тарту хайваннар арасында йогышлы чирләр, шул исәптән халык сәла­мәтлегенә куркыныч яный торган аеруча куркы­ныч авырулар таралу куркынычын арттыра. Яз көне инфекция йоктыру куркынычы көчәя, чөнки вирусларның активлыгы арта. Эпизоотикка каршы  чаралар хайваннар арасында инфекцияләр таралуны кисәтү һәм аларга каршы көрәш буенча комплекслы чараларны үз эченә ала.

Аларның максаты – авыруларны булдырмау һәм хуҗалыгыгыздагы терлекләрне ихтимал булган эпидемияләрдән саклау, – ди Россельхознадзор идарәсенең Татарстан Республикасы буенча дәүләт инспекторы Гөлнара Арсланова.

Авыру кузгатучылар төрле юллар: авыру хай­­ваннар (шул исәптән кыргый хайваннар) бе­лән бәйләнештә булганда, көтүгә куганда, су эчер­гәндә, терлекләрне күчергәндә, зарарланган азык һәм су куллану, терлекчелек продуктлары (сөт, ит) аша йогарга мөмкин.

– Һәр хуҗа РФның “Ветеринария турында”гы Федераль закон маддә­се нигезендә ветеринария-санитария нормалар­ның сакла­ны­шын тәэмин итәргә бурычлы. Ветеринария законнарын бозу административ җавап­лылыкка җәлеп итә. Авыл хуҗалыгы хайваннары ­хуҗалары­на аларның сәламәтлек мәсь­әлә­лә­ренә җитдирәк карарга һәм хайваннарга вакцина ясату, тикшерү кебек мәҗбүри процедураларны вакытында үткәрергә кирәк, – дип киңәш итә районның ветеринария оешмасы начальнигы Мария Ванюхина.