Республикада алкогольле продукцияләр белән агулану кимегән

ТР Премьер-министры урынбасары Васил Шәйхразиев рәислегендә видеоконференция режимында алкогольнең законсыз әйләнеше атна саен тикшерелә.

"2015 елда Татарстанда 1198 кеше алкогольдән агуланган, шул исәптән 36 бала, 20 үсмер, 356 кеше үлгән", - дигән куркыныч саннар китерде ТР бу­енча Роспотребнадзор җитәкчесе урынбасары Алмас Имамов. Һәм шунда узган елның шул чоры белән чагыштырганда алкогольдән агулануның 35,3 процентка кимүе билгеләп үтелде. Районда БДАМС системасына алкогольле продукция белән сату итүче барлык 70 сәүдә ноктасы тоташтырылган.