Шалтырату бик мөһим...

Район электр элемтәсе челтәренә шалтыраттым. "Телефон ремонтлау" хезмәтендә 118-18не җыярга һәм ремонтка гариза рәсмиләштерергә үтенделәр. Шалтыраттым. "Таттелеком"нан барлык игъланны тыңладым, аннары миннән сорадылар: "Зинһар өчен элемтәдә калыгыз, сезнең шалтырату безнең өчен бик мөһим".

Күңелем булганчы көйләр тыңладым, чөнки автомат җавап кайтаргыч музыкаль тәнәфес белән бергә тагын 11 тапкыр "элемтәдә калыр­га" үтенде. Сабырлыгым бетеп килә иде, әмма кызыксынуым моны җиңде. Ниһаять, "тере" тавыш! Гариза бирдем, кинәт кенә бу телефонны бөтенләй дә өздереп кую теләге туды. Ямансулап куйдым... Элег­рәк эш болайрак иде - шалтыратасың, киләләр, проблеманы хәл итәләр. Хәзер инде барысын да автоматлаштырылган прог­рамма башкара...