Татарстанда 23 декабрьгә каршы төндә -16 га кадәр суыта

Синоптиклар фаразы буенча Татарстанда якындагы тәүлектә көчле бозлавык, урыны белән томан (бигрәк тә төнлә һәм иртән), бераз кар, 12 м/с.ка кадәр җил көтелә. Төнге сәгатьләрдә һава температурасы -7..-16°С, -4.-12°С көндез.

Татарстан Дәүләт автоинспекциясе көчле бозлавык аркасында шәхси автотранспортта йөрүдән баш тартырга һәм җәмәгать транспортын кулланырга тәкъдим итә. Бу хакта Тәтешнең Дәүләт автоинспекциясе телеграм-каналында хәбәр ителә.

«Юлларда сак булыгыз!» - диелә хәбәрдә.

фото: архив/Авангард