Тәтештә Татарстан Республикасы көненә һәм Шәһәр көненә багышланган чаралар булды

(Тәтеш, 2 сентябрь, “Тәтеш таңнары”).

Парк буйлап төрле мәй­данчыклар оештырылган иде, анда һәркем, нинди яшьтә булуына карамас­тан, күңеленә хуш килгән шөгыльне таба алды. Мас­тер-классларда ­Татар­­с­тан әләмен, “Тәтеш-2022” су­рәтен, уенчыклар, открыткалар, курчак-бөтиләр, чүлмәк әйберләре ясарга мөмкин булды. Спорт яратучылар өстәл теннисына җыелдылар, акыл уенын үз итүчеләр урамдагы шахмат сыннарында сәләтләрен сынадылар. Ял итүчеләргә “Тәтеш – борынгы шәһәр” әдәби-танып белү программасында шәһәребез тарихына кагылышлы сорауларга җаваплар әйтү тәкъдим ителде. Районда яшәүчеләр һәм кунаклар бәйрәмнең истәлеге булып калсын өчен, “Мин Тәтешне яратам” фотозонасына килделәр.    

Стадион сәхнәсендә җир­лекнең иҗади коллективлары һәм чакырылган артистлар катнашында “Шөһрәт казан, борынгы шәһәрем! Чәчәк ат, республикам минем” дип исемләнгән концерт программасы Шәһәр көнен бәйрәм итәргә җые­лучыларны матур җырлары белән рухландырды.

Район башлыгы Рәмис Сафиуллов тамашачыларга сәламләү сүзләре белән мөрәҗәгать итте. 

– Шәһәребезнең ничек итеп алгарышлы үсеш алуын күрәбез, – дип билгеләп үтте ул. – Ел саен урамнар да, парклар да яңара, социаль көнкүреш объектлары ремонтлана, моның өчен республикабыз Президенты Рөстәм Нургалиевич Миңнехановка барлык тәтешлеләр исеменнән рәхмәт белдерәм. Шәһәр көне – ул барлык буын тә­тешлеләрнең бәйрәме, гүзәл шәһәребезнең тагын да матурлануы өчен тырышып хезмәт куйган ветераннарыбызга аерым рәхмәт, алар матур традицияләргә нигез салучылар, без бу йолаларны дәвам итәбез һәм яшь буын алдында кече ватаннарының язмышы өчен җаваплылык эстафетасын кабул итү тора.  

Бәйрәм уңаеннан оештырылган тантаналарда “Татарстан Республикасы муниципаль берәмлекләр советы” Ассоциациясе рәисе Әгъзам Гобәйдуллин һәм башка кунаклар катнашты. 

– Җир йөзендә кече ватаннан да кадерлерәк, гү­зәлрәк һәм матуррак бер­нәрсә дә юк. Һәр ­ке­ше үзенең хезмәте, белеме, казанышлары белән туган якны торгызуга, үс­те­­рүгә чын күңеленнән үз өлешен кер­тә. Тә­теш районының тарихы вакыйгаларга бай һәм ти­рән эчтәлекле, аның би­ог­рафиясенә бик күп га­җәеп кешеләр үз исем­нә­рен язып ­калдырганнар һәм кече ватаннарына үз­лә­­ренең хөрмәтен, их­ти­ра­мын керткәннәр. Яшел­леккә кү­мел­гән Идел ярындагы чис­та һәм уңайлы шәһәр беркемне дә битараф калдырмый, – дип мөрәҗәгать итте Әгъзам ­Самат улы. 

Тантаналы чара кыса­ларында, туган якны үсте­рүгә зур өлеш керткән тә­теш­леләр бүләкләнде.

Халыкның күмәк күңел ачуы концерт программасы һәм төрле утлар балкышындагы салют белән дәвам итте. 

– Искиткеч чара, – дип ур­­так­лашты шәһәрле Люд­­мила Демидова. – Шә­һәр көне минем өчен – үзен­чәлекле бәйрәм. Тумышым белән мин Спас районыннан, биредә педагогия училищесында укыдым, монда яшәп тә калдым. Тәтеш йөрәгемә якын туган җиремә әйләнде, балаларым шушында туды, хәзерге вакытта оныкларым да бар. Әлеге гүзәл шәһәргә беренче тапкыр килүемә быел ярты гасыр була, һәм мин чын йө­рәктән, һәм чын кү­ңел­дән аны елдан ел ныг­рак ярата барам. 

Сишәмбе көнне, 30 августта, районда Татарстан Республикасы көненә багышланган төрле чаралар –  патриотик акцияләр, спорт ярышлары, бәйгеләр, танып белү квестлары булды.